قبل م ترد جود جاها اتصال من ابوها وردت في خوف : خير بابا
- والله ي بتي م عارف خير ولا شر المهم آسر عقد علي تسابيح وانا كنت وكيله ...
جود قفلت الخط وعيونا اتملت دموع وبقت م شايفه قداما ولملمت اشلاء روحا وعاينت لي مأمون في حزن وقالت : معليش سيد مأمون تعبانه شويه ممكن ارد بعدين ؟
مأمون وقف وقرب منها وهو بقول في قلق : خير ي بتي فيك شي ؟ اوديك الدكتور ؟
جود : لا لا شكرا بس لو تكرمت اخد لي اذن لاني م قادره اداوم الليله 😭
مأمون : خير خير مافي مشكله ... بس انتي متأكده انك بخير ...
جود : ايوه ... شكرا 😔 طلعت جود وما كانت شايفه قداما غير سواد بتتخبط في الطرقات والجو مغيم ومليان سحب ...م ركبت مواصلات فضلت ماشه بس وم عارفه لي وين ؟ فجأه بدت تمطر ... تلفونا م بطل رنين ... فتحت الخط : جود وين انتي ي زوله ؟ حرام عليك والله موش بينا مواعيد ؟ بعدين مالك سألت عنك قالو طلعتي وما علي بعضك و
قاطعتا جود في حزن : تعالي لي في شارع النيل
وقفلت منها وقعدت في كنبه متجهة علي النيل ..
م كان في زول غيرها والمطر منهمر بغزاره ...
ست الشاي قربت منها وهي بتلملم في حاجاتا : ي بتي المطره دي يلا معاي الشركه ديك نقعد في الاستقبال لحدي م تقيف .
جود شكرتها في حزن وفضلت في محلها لحدي م جات وئام من بعيد تنادي فيها : جود انتي مجنونه ؟ المطره دي بتعمل ليك التهاب لحظه اوقف التاكسي دا
وئام قربت من جود وجرتا من يدها وركبت التاكسي ومشو علي بيتهم ...
🍬🖤🍬🖤🍬🖤🍬🖤🍬🖤🍬🖤🍬🖤
لميس عاينت للساعه واتصلت علي جود وبعد مسافه ردت وئام : اهلا ي لميس كيفك !!!
لميس : بخير... وين جود م بترد قلقنا عليها ...
وئام : جود كويسه بس نايمه وياريت تكلمي عمو شهاب يسمح ليها تبيت معاي ...
لميس : لا بس نحن خايفين عليها ..خليها تجي ابوي كمان مقلق عليها ... معليش الحاله واحده بيتكم وبيتنا بس هنا بتكون قدام عيونا وانتي عارفه انو ابوي عيان م بتحمل حاجه ...
وئام : طيب ح اكلما
دخلت وئام ولقت جود نايمه بتهزي ... جرت عليها بسرعه ولمست جبينا في خوف وصرخت : لا حول ولا قوه الا بالله جسمك مولع نار ...
مشت بسرعه جابت مسكن وعملت ليها كمادات وقعدت جنبها لحدي الحمي نزلت وبعدها جود قامت وشالت شنطتا وهي بتقول في اعياء : بكره الا امشي افحص حاسه بي نفسي مرهقه جدا ...
وئام في حنان : الف سلامه عليك ي روحي .. انتي بترهقي نفسك كتيير لكن ... ربنا يعينك
جود وهي طالعه علي الباب : آمين ... انا ح امشي عشان ناس البيت بقلقو 😔
