رد شهاب في حده وغضب ... انت ي زول م عندك احساس بالمسئوليه كده ليي؟ امك ذنبها شنو عشان تلقي منك التعامل القاسي ده ؟ ياخ الحمد لله انك م اتزوجت بتي لانو الماعندو خير في امه الجابتو للدنيا م عنده خير في زول .
آسر قعد علي حيله وفرك عيونو في اهتمام وقال : خير ي عمي في شنو ؟
شهاب : امك من بالليل في المستشفي بين الحياة والموت ...الدكتور قرر ليها عمليه توسيع صمام وبسرعه يعني اذا عندك زمن تعال شوفا ي ولدي الدنيا م معروفه .
آسر مسك راسه وبقي يبكي في تشنج وبعدها قام بسرعه وغير هدومه وطلع بسرعه قاصد المستشفي ...
🔴🔴🔴🔴🔴🔴🔴🔴🔴🔴🔴🔴🔴🔴🔴
جات جود من مكتب مدام سهير ولقت سهي قداما وهي بتقول : وين انتي ي بت في واحد قال م بشتري الا تجي انتي 😜
*يلا انا م فاضيه ليه خااالص ولا شغاله معاه وخلي يحل عني 😕
سمعت من وراها صوت بقول بلهجه راقيه ومهذبه : جود علي ما اعتقد صح ؟
*نعم 🙄خير في حاجه ؟
- كنت عايز فستان سهره اسود مقاس XL
* م سألت سهي ؟
- بصراحه كنت عايزك انتي؟
*نعم ؟؟!!
- اااا بقصد المره الفاتت شفتو في قسمك انتي ... متذكراني
* لا ...علي العموم لحظه انتظر هناك لو سمحت !!
-حاضر
مشت جود لي سهي وقالت ليها في ضيق : ده الشاب البتسظرف وانا م عندي ليه اخلاق خااالص ... عليك الله ي سهي جيبي ليه الحاجه العايزه خلي يقطع وشو😠
سهي : ههههه حرام عليك الشاب راقي ووسيم 😍😍
جود مسكت الفستان وبعد تحنيس من سهي قبلت تمشي توديهو ليهو واول ما شافا وقف ومسك الفستان وهو بعاين ليها في اعجاب : شكرررا ان شاء الله يعجب المدام 😅
جود في ضيق : المدام تبعك دي شكلها لا بعجبا العجب ولا الصيام في رجب !!!
الشاب : انتي بتعرفيها ؟
جود : هه موش الجات معاك المره الفاتت ؟
الشاب : غريبه 🤔
جود : شنو الغريب ؟
الشاب:انك قلتي م متذكراني 🙂
جود مشت من قدامه وهي بتعاين ليهو في غرابه ....
🔴🔴🔴🔴🔴🔴🔴🔴🔴🔴🔴🔴🔴🔴🔴
منال دخلت عمليه مستعجله وآسر كان واقف منتظر وفي وشو كل حزن الدنيا وجنبه شهاب وتسابيح ولميس ....
جود بعد الشغل جات المستشفي بس منال كان وضعها م تمام والدكتور كان خايف عليها جدا وقال اذا عدت ال 48 ساعه الجايه علي خير بتكون طلعت من مرحله الخطر ...