آسر ابتسم في غبطه وقال في حماس : عمري ما بنسي جميلك ده ... انتي فعلا اخت ...اختي واخت جود ...
لميس : بس في حاجه مهمه لازم ناخدها بعين الاعتبار ... لازم تتعامل بحذر وسريه كامله وما تتصل بي الا اعمل ليك جرس وكمان ح اديك رقم جديد مافي زول عارفه غيرك وغيري ....
آسر طلع تلفونه في فرح وهو بقول : ما تتخيلي رديتي فيني الروح كيف ي بت العم ربنا يسعدك بقدر ما اسعدتيني 😍
لميس : ده واجبي حرام اشوف حبكم بضيع قدام عيوني واقيف مكتفه يديني ...المهم خليك حريص ونتقابل ان شاء الله 🙂 ... لحظه اسيف ليك الرقم ...
لميس ضغطت عشان تفتح التلفون جا اشعار حق رساله هزاز ... بقت تتكلم مع آسر عادي وفتحت صندوق الوارد الرساله كانت من سوداني بس لقت رساله قديمه (عايزاك تشوف لي دايه شاطره) لميس رجعت التلفون بسرعه وهي عيونا بقت شرار وحاولت تتماسك وما تظهر لي آسر حاجه ...
رسمت شبح ابتسامه علي ثغرها ووقفت مستعده للمشي ...
* طيب امشي انا بعد ده !!
- طيب ي بت العم 🙂 ما تتخيلي ريحتيني كيف بالكلام معاك ... شكرررا جزيلا 😍
ودعته لميس ومشت من قدامه وهي م شايفه قداما من الدموع ... فضلت تمسح بالمنديل علي وشها وتقول في حزن وغيظ في نفس الوقت ... سافل الحقير 😬 كأنو م عمل حاجه .. بس وحياة جوري ح تدفع التمن ... رغم كلام جود عن انك الجاني برضو ما كنت مستوعبه بس خلاص ..... توب البراءه الكنت لابسو خلاص انزاح من وشك
🖤🖤🖤🖤🖤
سحر طلعت حديقه البيت ولقت ماجد طالع من حوض السباحه ناولته بشكسر وهي بتقول : م استخرت طبعا الجو بارد شديد ...
ماجد بدا يجفف في جسمه ورد : متعود اسبح في البروده م تخافي علي 🙂 الاخبار شنو ؟
سحر : تمام بس متوتره من موضوع اخوك ده 😒
ماجد : سحر حاولي طلعي نفسك من الموضوع ده قلتها ليك وتاني بكررها ...ساجد زول راشد واتركيه ياخد قراره .
سحر : اكتر شي غايظني اخت العروس هي نفسها البت القللت احترام معاي... وعمو مأمون كمان م اتخذ اي اجراء بخصوص الشكوي القدمتها ليه ضد الاسمها جود دي ...
ماجد : م عارف اقول ليك شنو 🤔 بس عليك الله حاولي كوني ايجابيه !!!
سحر قامت من جنبه وهي بتقول في ضيق : شكلك انت كمان حابي الغبيه اخت خطيبه ساجد وشغال ليها محامي دفاع ...
💟💟💟💟💟
تسابيح جات من الجامعه ودخلت الغرفه غيرت هدوما آسر كان راقد في السرير نايم ... عاينت ليه في حب وجات رقدت جنبه في هدوء بس هو حس بيها وقام بسرعه وقعد علي حيله وحست تسابيح بي احراج وقالت : مالك شفت شيطان ؟ 😡
