جود سكتت مسافه وبعدها ردت : انا كمان نفسي اكون معاك بس خلي الامور دي تترتب واوعدك ما بطول عليك ❤
ماجد في حنان : طيب خليك قريبه مني 💔
جود : حاضر 😍
ماجد استأذن وهو شبه مقتنع وبعده جود مشت المستشفي عشان تقعد مع منال ...اول ما فتحت باب الغرفه ....منال شافتا بقت تبكي... جود قربت منها واترجتا تهدي.... منال قالت بصوت غير مفهوم وكلمات متقطعه : ما بنسي العملتي لي ي جود 😭 انا اتلومت فيك بس انتي طلعتي اصيله وقفتي معاي وكمان شهاب ما فاتني لحظه وحتي لميس ما قصرت كلكم اصلاء وطالعين من بيت كبير واعفي لي يا بتي السويتو فيك وجبرت ولدي يعرس تسابيح وهو بحبك انتي ولحدي اسي ما نساك لحظه سامحيني يا بتي!!
جود مسكت يدها وطبطبت عليها وهي بتقول : انتي المفروض تسامحيني وآسر كمان😩
وختت راسا في طرف السرير وبقت تبكي ومنال تمسح ليها في شعرها وهي بتقول : شهاب عرف يربي انتي بت طيبه وقلبك ابيض!!!
جود قامت بسرعه وطلعت من الغرفه وكملت بكا بره في الصاله ......جا الدكتور وقال ليها:الحجه كويسه ما تخافي عليها بكره ح تطلع من المستشفي وتبدأ العلاج الطبيعي ...
جود مسحت دموعا وقالت : صحي ي دكتور ؟
- ان شاء الله
* طيب بالعلاج الطبيعي ح ترجع تمشي زي زمان؟
- ايوه صح بياخد زمن بس اكيد في النهايه ح تشفي ... لكن الحاله النفسيه للمريضه بتساعد في سرعه العلاج او العكس ...
* شكرا ليك ي دكتور طمنت قلبي 🙂
جود مسحت دموعا وطلعت التلفون واتصلت ،،،،،
* كيفك ماجد
- آه ياروحي لو بتعرفي مكالمتك دي بتعمل فيني شنو كان اتصلتي كل مره ❤،،، بحبك وربي ،،،، والله بحبك جود 💔
* فاضي تجي تآخدني من المستشفي ؟ سعيده وعايزه اطلع اشم هوا 😍
- ياسلام ❤ اذا في فراش الموت ح اجيك ،،،
* بعد الشر 😔
- دقايق واكون معاك ....
💟🖤💟🖤💟
ساجد وساره جو راجعين من الدكتور بمعنويات مرتفعه جدا بس ساره كانت مقلقه : فرحتي الليله ما بتقدر بي تمن بس ناقصاها وجود اهلي جنبي ...
- ايوااا 😧 يعني انا م لي لازمه ولا شنو ؟ علي فكره انا برضو عندي اهل وبحبوني كمان .....
* ما قصدي ي روحي انت حبيبي وزوجي وابوي التاني وسندي 😍 بس جود الايام دي ما بتتصل بي كتير وده مزعلني جدا ومخليني،م مطمنه ...
- انتي عارفه وضعها،،،،، اي شي في راسا،،،، بعدين اكيد فرحت عشان الدكتور قال خطأ كبير انو يغسلو ليك في السودان والشي ده خلق خلل كبير ح يخلي العلاج يتأخر شويه بس في النهايه الموضوع ما خطير ...نحن جينا في الوقت المناسب .
