جود شهقت وحست بي نفسا ابي ينزل وبقت ماسكه صدرها وتتنفس بي صعوبه ... اشجي صرخت في خوف : جود مالك حبيبتي ... يا هتان تعالي بسرعه ... جود ما بتتنفس اطلبي الاسعاف
جهاد جا جاري وهو بهز فيها : جود 😳 مالك جود ... لميس امشي جيبي امجاد من الظلط!!
شهاب جا عليها وهو بقول : اختك مالا 😰 جود ... مالك ي بتي ....
اشجي في خوف وحزن : كنا بنتونس فجأه نفسا كتم ما قدرت تتنفس م عارفه حصل ليها شنو ؟
بعد سبعه دقايق جات لميس راكبه في تاكسي وجهاد شال جود بسرعه ووداها علي العربيه ورا ،،،،وطيران علي الحوادث!!!
بعد الفحص الطبيب قام باللازم بس جود كانت في حاله ذهول ودموعا جاريه بدون توقف وصامته وما اتكلمت مع اي زول ،،،الدكتور قال م عندها حاجه،،،،، بعد تخلص الدرب ممكن تطلع علي طول ....
لميس عاينت لي اشجي وقالت في حزن : جود شافت صور جوري ال في الالبوم صح ؟
اشجي : ايوه 😔
هتان في حزن وهي موجهة كلاما لي اشجي : بعد خلاص اطمنتي علي جود يلا عشان اخلي السواق يوصلك البيت لانك اتأخرتي ...
اشجي في اصرار : لا لا الا بعد تطلع البيت.... انا اتصلت بي ماما كلمتها وقالت لي اقعدي بس لما ارجع البيت يوصلوني !!!
ساره : شكرا اشجي🙂
لميس قربت من جود..... ومسحت ليها دموعا ..عاينت للدرب وفي حزن : الف سلامه ليك حبيبتي 💔 ان شاء الله ما تشوفي شر يااارب ....
جود عايزه تقوم بس حست بي صداع ولميس صرخت فيها : لا م تتحركي الدرب ح ينفجر ،،،، عايزه شنو حبيبه قلبي!!!
ختت راسا علي الوساده ..... بصوت منخفض وهي مراقبه الباب : لميس نحن مجرمين!!! 😭 نحن ضيعنا برئ ما عنده ذنب في الدنيا دي غير انو بتمني لينا الخير 😩😩
لميس طبطبت عليها في اشفاق وهي بتقول : اهدي حبيبتي كل شي ملحوق ... ارتاحي وبعد نمشي البيت احكي اي حاجه اسي ما تتعبي روحك...
جود : كيف ارتاح انا تاني ؟ لو باقي عمري ده كلو قضيتو استغفار... ياريت ربنا يغفر لي و
بترت كلاما وبكت بحرقه وبعدها واصلت : هو ح يغفر لي 😭 ما اظن يبص في وشي بعد يعرف آآآآه يا لميس تبعنا الشيطان وضيعنا اشرف وانقي زول في الدنيا دي ... ياريتني لو كنت واجهتو كان احتمال اصدق كلامه ... بس هل بنفع الندم لكن ؟؟
لميس في خوف : جود ما تقولي لي آسر طلع برئ هزت راسا بالايجاب ولميس ختت يدها في عيونا عشان تحبس دموعا من الهطول ...
عم السكون ارجاء الغرفه..... فجأه هبت رياح شديده خلت الابواب والنوافذ تتصادم في عنف!واكتسي الافق بعواصف ترابيه عنيفه خلت الجميع في حاله رعب ....
