ساره قربت من جود وهي بتقول في ريبه : جود مره عمك بتتكلم ساي صح ؟ البيت حقنا نحن موش ؟ اكيد جنت كيف يكون البيت بيتا ؟
لميس كوركت بصوت عالي : جود ردي علينا ... هي بتتكلم بي ثقه في شنو ؟ كيف البيت بقي حقها ؟
جود قعدت علي السرير في انهيار وختت يديها في وشها وقالت : ايوه البيت حقها ... العمليه حقت ابوي كانت غاليه جدا قروش شغلي وكل قروش جهاد م كفت ... اضطرينا نرهن البيت مقابل مبلغ شلناه من منال وم قدرنا نسدد وامهلتنا كتير وبعدها ابوي مسك منها باقي القروش وعمل ليها تنازل عن البيت وعشان انتو م تحسو بي شي قررنا نأجر منها البيت طيله الفتره دي وكنت بديها الايجار اول ب اول ...
ساره والدموع في عيونها : طيب وين باقي القروش ؟
جود :اتصرفت علاجات واكل وشراب ...
لميس في غضب : يعني نحن بقينا تحت رحمه منال ... آآه 😭
جود طبطبت عليها وهي بتقول : انتو تحت رحمه رب العالمين وما عاش البذلكم طول ما انا بتنفس ...
لميس من خلال دموعها : صدق المثل ديل الكلب عمره ما بنعدل ...
جود : كل العايزاه منكم م تشيلو هم ومن بكره اول ما اخلص شغل بفتش بيت مناسب ... وهي ما مقعدانا مجان بندفع زينا وزي اي زول .
ساره مشت الغرفه وما علقت بي شي وجود مشت المكتبه وقفلت الباب عليها ونامت لحدي الصباح وسط الكتب ...
💟💟💟💟
مأمون وسهير في الجنينه بشربو في الشاي
* ولد اخوك خطب صحي ؟
- ايوه سمعت طبعا زي وزي الاغراب ...
* هم احرار انتي خليك بعيده ... والبت من اسره فقيره وكمان مريضه ...
- انا الفوارق الاجتماعيه دي بقت ما بتهمني بس زعلت لانهم حتي ما كلموني رغم انو انا عمتو الوحيده بس محاسن السر م قادره تتجاوز الخلاف البيني وبينا وخلت الاولاد يدفعو التمن الجفوه تكون * بينهم 😒 المهم م علينا كنت عايزاك في موضوع كده وبتمني يكون رايك موافق لي رايي ..
* خير ان شاء الله
- جود ...البت دي دخلت قلبي وكل م يجي الزمن البخلص فيه دواما وتمشي البيت بحس روحي اتسلبت مني ب اختصار عايزاها تكون قدام عيوني اربعه وعشرين ساعه ...حاسه انها عوض ربنا لي في فقد بتي الغاليه شيرين الله يرحما 😔
* كملي بصراحه م قدرت افهم انتي عايزه تقولي شنو ؟
- انا فاتحت شادي ولدي في موضوع العرس وم كان عنده مانع وبما انو ما مرتبط ح اخليه يتزوج جود وتجي تعيش معانا في البيت وتكون قدام عيوني ع طول 😍 في البدايه رفض قال شايفا زي اخته لانها نسخه من شيرين بس بعد اصراري عليه وافق ❤ هو حبيب قلبي وولدي الوحيد م بكسر قلب امه متأكده 😍