لما طلعو بره لقو ابوهم بقول وهو جاري علي الشارع ،،،، خير ان شاء الله ده صوت مره عمكم منال 😨 ما يكون آسر حصل ليه شي لا قدر الله ؟؟
لميس : اصلها بتكتلو وتقعد الفقر م تستاهل ولد زي آسر 😟 ربنا يستر
قبل ما يدخلو بيت منال لقوها طالعه وبتشيل في التراب وتكب في راسه وتصرخ : الحقني ي شهاب بدور اختي الحنينه ماتت 😭 كررررعلي ياليتمتي تسابيح ،،،، وووب علي
شهاب : لا حول ولا قوة إلا بالله العلي العظيم،،،،،، شدي حيلك البقاء لله قومي انتي زوله حاجه بيت الله البتعملي فيه ده حرام وامشي الحقي بت اختك ما تنسي انو تاني ما عندها زول غيرك انتي وآسر في الدنيا دي
منال : وووب علي ي تسابيح ابوك ما تم سنه ولحقتو الغاليه ربنا يرحمك يا بت امي ويوسدك الباردة ،،،،
جود واخواتا مسكوها بكو معاها ومشو بيت البكي في الشارع التاني منهم وطبعا باتو هناك كم يوم بناءا علي طلب حاج شهاب،،،،،،،،
🖤🖤🖤🖤🖤🖤🖤🖤🖤🖤🖤🖤🖤🖤
بعد اسبوع جا راجع ايهاب من السفر ومعاه امه وفتحت ليهم رونق الباب ومشت قعدت في الهول وهي صاره وشها،،،،،،،
ام ايهاب : مالك يابت ما بتباركي لي اخوك ؟ جنيتي ولا شنو؟ 😏
رونق : ابارك لييي ؟ كفايه انتو فرحانين وعملتو العايزنو مباركتي فارقه معاكم في شنو؟ يا امي!!!!
ايهاب دخل غرفته ووشو متغير وامه صرخت في وشها: بقيتي نكديه وقليله ادب وشكلك دايره تربيه من جديد 😡 فرح اخوك الفرد واحد ابيتي تحضريهو ما قلنا حاجه ،،، كمان قوله مبروك ما بتقوليها ؟؟ كلو عشان جود ؟ حريقه تحرق جود واليوم اللمانا فيها بتاعه الصالات دي ،،،،،، نحن عقدنا لي اخوك علي البت المهذبه الشريفه والمتواضعه وصاح هي ما بتشبه جود بس الجمال ما كل شي ومن يومي ما دايره جود بس ابوك جبرني ،،،
رونق بصوت مخنوق وهي داخله علي غرفتا : الحمد لله ابوي مات عشان مافي زول يجبرك علي حاجه تاني 😭😭
ام ايهاب : رونق ،،، يابت انتظري ،،،، انتظري بعدين عندي معاك كلام تاني.....
🖤🖤🖤🖤🖤🖤🖤🖤🖤🖤🖤🖤🖤🖤
طلعت جوري من البيت علي اساس المدرسه وساره مشت الجامعه اما جود كانت بتجهز في نفسها عشان تنزل الشغل بعد الاجازه الكانت ماخداها للبكي ،،،،،
بعد نضفت وطبخت وجهزت اي حاجه لبست ومشت الشغل وهناك مكاوي ناداها في المكتب وبعد قعدت قال ليها
- طبعا نحن مبسوطين منك شديد ،،،، زوله ملتزمه وخلوقه وعلي الرغم من انو تركك للصاله ح يعمل ضجه كبيره بس مضطرين نقبل عشان المصلحه العامه وصاحبه بيت الازياء اختارتك بالاسم ،،،،قالت عايزه جود شهاب الدين ،،،،،، بقيتي مشهوره 😅 لكن انتي تستاهلي ،،،، اول شي هناك افضل ليك خاصه انك داخله علي مشروع زواج ،،،،،
