قفل آسر باب الشقه في ضيق ودخل الشنطه جوه ومشي قعد في الجلسه وهو ما طايق نفسه وبعدها فتح التلفزيون وبقي يحضر في كوره قديمه 😥 اما تسابيح ف كانت عكسه تماما اخدت دوش ولبست فستان حلو وجات قعدت جنبه وبقت تعاين للشاشه وهي بتقول : انا م بحب الكوره غير جيب لينا فيلم او جيب النيل الازرق فيها برامج حلوه
آسر بدون م يتلفت عليها : افتحي الشاشه حقت الغرفه وشغلي العايزاه 😒 انا عايز احضر كوره !!!
تسابيح : انا عايزه اكون قريبه منك لكن 😔
آسر خت الريموت واتلفت عليها : اسمعيني ي بت الناس ... نحن اتزوجنا عشان نرضي امي وبس وعشان اكون واضح معاك ما تحلمي بي حاجه تانيه وتصبحي علي خير انا نعست واطفي معاك النور ...
تسابيح في غيظ : انت ح تنوم هنا في الكنبه ؟
آسر : تصبحي علي خير
قامت تسابيح من جنبه وجرت علي غرفتا وهي بتبكي ... واتصلت علي خالتا ودي بدورها هدتا وطلبت منها تصبر بكره كل شي ح يتصلح ...
🖤❤🖤❤🖤❤🖤❤🖤❤🖤❤🖤❤
مديحه رمت التلفون في عصبيه وطلعت من غرفتا ولقت ام ايهاب قاعده في الهول بتحضر في فيلم قعدت جنبها ...
* مالك ؟ مضايقه من حاجه ي بتي ؟
- ابدا بس ولدك سافهني والبيت عنده عباره عن فندق ... نوم واكل 😡
* طولي بالك ...الرجال اصلهم م بطيقو قعاد البيت ... بس انتي شدي حيلك وجيبي ليك وليد ولا بنيه وشوفي ح يتغير كيف 😍
- هو قاعد لي عشان اجيب ولد ولا حتي قرد استغفر الله العظيم ...
* اصبري ي بتي انتو ليكم فتره بسيطه من اتزوجتو ...
مديحه جات قربت من ام ايهاب وهي بتراقب السلم عشان تتأكد انو رونق لسه فوق وقالت بصوت منخفض : لما اشوف تعامل ايهاب ده معاي كده بتجيني وساوس في راسي ...
*وساوس شنو ي ساتر ؟
- جود عامله لينا عمل !!
* هههه لا م اظن ... البت دي انا م بطيقا صحي لكن م بتعمل كده
* البضمن شنو ؟ انا بفتش لي شيخ كااارب كده يشوف لي الحاصل شنو ؟
* يابتي استهدي بالله ما قدر ده ... ايهاب ولدي اصلو طبعه كده اصبري بس 🤔
- لا م طبعه كده شفتو كان لاصق كيف لما كان خاطب جود ... بضرب ليها كل راس ساعه وبغير عليها ...
* ي بتي انتي كنتي عارفه حقيقه حبه لي جود بس خلاها وعرسك انتي ..... طيب اسكتي اسكتي شكله جا انسي الموضوع !!!
💟💟💟💟💟💟💟💟💟💟💟💟💟💟
جود طلعت من الشغل لقت مأمون واقف بره واول م قربت منو نزل من العربيه وجا عليها ...