ماجد طول الطريق بعاين لي جود بالمرايه وفي راسه الف سؤال وهي بتتهرب من نظراته لحدي ما وقفت العربيه قدام عماره في نهايه الشارع ... نزلت جود في تردد ومعاها وئام ... بعد لاحظو لي ماجد م نزل جود عاينت ليهو في رجاء وبعدها أمن العربيه ونزل وتبع جود!!! لحدي م وصلو الطابق الاول..
ماجد سأل عن الشقه وبعد قرب منها اتلفت وقال ليها : صحبك ده متعود يسيب باب شقته مفتوح ؟
جود قربت من الباب عشان تتأكد انو فعلا فاتح وبعدها : م عارفه 🙊😰 انا اول مره اجي هنا .....
وئام : اكيد طبعا اذا جيتي قبل كده ما كنا سألنا البواب عن رقم الشقه ولا الطابق الكم ...
ماجد رغم انو الباب مفتوح بس ضغط علي الجرس ..... مسافه وبعدها سمعو صوت انين طالع من الداخل ..... ماجد دفع الباب لي جوه ودخل والاتنين وراه ......
فضل يفتش لي محل الصوت الشقه كانت مرتبه ومافي شي ملفت للانظار ..... ماجد اتقدم متبع مصدر الصوت وفجأه لقي نفسه بتعتر في جسم مرمي علي الارض ..... عاين تحت والمفاجأه ألجمت حواسه تماما ...... جود من وراه صرخت بعد شافت اشرف مرمي علي الارض وبنزف بغزاره .... اشرف🙊
ماجد قعد علي الارض وبقي ينادي فيه" اشرف اشرف😨سامعني انت؟ اشرف......!!!
اشرف فتح عيونه في صعوبه وبصوت متقطع همس :آسر ...آسر ... القروش
وغاب عن الوعي ...جود بقت تبكي في تشنج وتقول: واحد مجرم وقاتل شي طبيعي يطلع منو كده 🙊😰 ماجد الله يرضي عليك اطلب الاسعاف ..... ح يموت نزف كتير 😭😭
وئام بصوت باكي : م اظن يصمد لحدي الاسعاف ولا رايك شنو ي ماجد ؟؟...
ماجد كان بحاول في التلفون في توتر وبعدها قفل وهو بقول : فعلا الوضع خطير لازم نتصرف ..... جود جيبي ملايه ولا اي حاجه نربط الجرح لحدي ما نصل المستشفي ......
جود في تشنج : نربط شنو ونخلي شنو ؟ المجرم طعنه كم طعنه 😭 بس انتو اكيد سمعتو اشرف قال الجاني منو 😰😰
وئام : جود نحن م سمعنا حاجه واجبنا نسعف اشرف وبس ....
ماجد : امشي ي جود ده م وكتو..... وآسر ده منو اصلا والدافع شنو انو زول يطعن زول كم طعنه ويحاول يقتله! في حلقه مفقوده ....وطالما دخلت في الموضوع لازم اعرف اي حاجه انتي ناسيه انو فيها شرطه واذا اشرف لا قدر الله مات نحن كلنا مسؤولين .....
وئام في خوف :جود.....امي عيانه وبراها...... لو سمحتو طلعوني انا من الموضوع ده 😭
ماجد : اطمنو مافي حاجه نحن م عندنا دخل بالجريمه وفي محامي العيله ح اتصل عليه يعني م تقلقي انتي وهي بس م تلمسو حاجه في البيت اذا كان عندي علاقه بي اشرف ده كان شلتها براي بس المتحري ح يقول لي انت الجابك شنو ؟؟
