لقت اشرف واقف وسلمت عليه في ارتباك وقالت ليه : مالك اتأخرت ؟ راسي عايز يتكسر اتفضل ادخل😒
اشرف طلع من جيبه علبه وهو وهو بقول : جود اعملي حسابك الموضوع ده بقي خطير وانا خايف عليك ،،،،
جود : حيحصل لي شنو اكتر من الحصل،،،،،،، اها ما سألت من المره ؟؟؟؟ حاسه في نار مولعه في قلبي،،، لازم اعرف صاحب العمله وكمان الدايه لازم اعمل مسح كامل للمنطقه الفيها المدرسه حقت المرحومه ....دمها م ح يضيع هدر وقسما بالله م ارحم الجاني ايا كان لازم يتحاسب
اشرف : انا معاك في اي حاجه بس المهدئات دي خطيره وخايفك تدمنيها ي جود...
جود : م تخاف علي ،،،،،،، دي مرحله معينه ،،،،، عشان اقدر اتخطي موت جوري 😔
اشرف: ربنا يرحما ويغفر ليها بس عشان خاطري بطلي الحاجه دي عايزك تتجاوزي المحنه بي عزيمتك وقوتك موش بالمهدئات ....
جود : ان شاء الله اطمن
💖💖💖💖💖💖💖💖💖💖💖💖💖
منال دخلت غرفه آسر ،،،،،،
* قوم حبيبي العشاء جاهز
- معليش ي حجه اعملي لي ساندوتش عندي شغل كتير في اللاب توب.... لازم القي مشروع مناسب وبسرعه ....
*ي ولدي م ممكن،،،، كده بت خالتك دي بتتعقد وهي مهما كان ضيفه......
- امي ،،، تسابيح قاعده معانا بصوره دايمه معناه صاحبه بيت م ضيفه.... بعدين علاقه العشا بيها شنو؟
* طيب ،،، الناس ديل البكي عد اسبوعين وم جابو الايجار وبي عيني دي شفت رزم القروش بعد سددو ديونهم كلها ،،،، بمشي بعد شويه اسألهم منها....
- حرام عليك.... اذا محتاجه قروش بسحب ليك بكره ان شاء الله ...بس خلي ناس عمي في حالهم الفيهم مكفيهم....
* يا حنين.... البيت بيتي وكفايه مجامله خليك بعيد...
سكتت شويه وبعدها
* تسابيح عسل وغنيه خايفه واحد من الجامعه يلف ليها راسها ونطلع من المولد بلا حمص
- لا حول ولا قوة إلا بالله يعني اذا جاها عريس لازم يكون طمعان في قروشا سيبيها تشوف حياتا؟
* شنوووو؟ علي جثتي ،،، طيب انا مقعداها معاي لي شنو؟ شوف ي آسر ساعه انت م مرتبط وما عندك وحده في راسك مفروض تخطب بت خالتك تاخد فيها اجر ...وهي ست البنات ....
آسر قام وشال اللاب توب حقه ومشي علي الباب وهو بقول : انا حاليا م عندي نيه عرس وخلي البت تشوف نصيبا ي حجه ....
* نصيبا قاعد طال الزمن ولا قصر ح تعرسا
طلع آسر من البيت وطلع تلفونه واتصل....
