ما تنسوا التصويت على الحلقات
جود سرحت مسافه وبعدها قالت : ههه لا ده يوسف انسان محترم وليهو وزنه في البلد يكون شبه بس ... يلا ماما منتظرانا 🙂
اماني رحبت بيهم شديد واتكلمت مع اشرف عن اليونيفورم والكميه واتفقو علي اي حاجه وبعدها جود ودعت اشرف عشان تمشي تقابل آسر ...
وصلت الكافيه وبقت تتلفت عشان تتأكد انو مافي زول بعرفا هناك وبعدها لمحت آسر ومشت عليه واول م قعدت : جود انا عايز اعمل مشرعي ده في اسرع وقت وكمان عايز منك وعد انك تقيفي معاي انا م عندي في الدنيا دي زول ممكن اثق فيه غيرك ي بت العم 😔
* ان شاء الله بس قول لي انت عايز تعمل شنو ؟ افكارك علي افكاري نطلع منها حاجه كويسه ...
- طيب خيرين 🙂 انا م كويس من جوه ي جود ومتردد من فكره اقابل طبيب نفساني خايف الناس تقول علي مجنون 😥😥
* بعد الشر عليك ... انسي الهواجس دي وخلينا نشغل نفسنا بالمشروع اها انت فكرتك شنو ؟
- قريب لي فكره محلنا في فرنسا مطعم صغير او كافيه راقي ...
* مطعم افضل وممكن نعمل وجبات فرنسيه ،،،،،
- روعه موش قلت ليك وقوفك معاي بدعمني !!!
* انا كل همي مشروعك ينجح عشان شقي عمرك ما يضيع ...
- ايوه نسأل ربنا التوفيق
* آمين ...
سكتت جود حبه وبعدها : في مطعم في شارع (...) معروض للبيع بكره بعد الشغل نمشي نشوفو رايك شنو؟
- مافي اي مشكله 🙂
* آسر عشان خاطري رجع مرتك ... هي متهوره صح بس بتحبك،،،،
- بس انا عايزك انتي جود 😔
* آسر حاليا شيل الموضوع ده من راسك خالص البينا شغل وبس ... ما شفت ابوي عمل معاي شنو لما عرف انو انا السبب في طلاقك من تسابيح ....
- والله ي جود اذا سمعتي الكلام والاسلوب الاتعاملت بيهو معاي.... مفروض اطلقا طلاق تلاته.... واحرما وانا فعلا ح اعمل كده .....
* طول بالك... اقعد مع نفسك وشوف انت عايز شنو ؟
- انا بنفذ كلامك بس اوعديني انك تكوني معاي ....
* ان شاء الله
❤🖤❤🖤
فتحت جود الباب ولقت شهاب في وشها ... عاين فيها بسرعه وبعدها ابعد نظره وواصل سيره للصالون ...لكن جود وقفته في رجاء : بابا😟 للدرجه دي م طايق تبص في وشي ؟ انا جود بابا ...
شهاب وقف وبدون م يتلفت عليها رد ..... لا انتي ما جود الانا بعرفا...
جود كانت رحيمه وقلبها علي الضعيف قبل القوي.
