ما تنسوا التصويت على الحلقات
سحر قفلت الخط وهي سعيده جدا .....مشت باست امها في حب : من زمان كنت بتمني وليد يكون ببادلني نفس المشاعر والحمد لله نهايه صبري خير 😍
* والله يا بتي النصيحه انتي لا كنتي منتظراه ولا حاجه .. صاح كنت حاسه بمشاعرك تجاهه بس اذا اتقدم ليك ولد آل راشد كنت قبلتي بيهو ...
- ايوه ماما ... عشان اتزوج والسلام ... اما وليد حاجه تانيه من زمان وانا بحبه وهو ما حاسي بي ....
* المهم يا بتي كل شي قسمه والحمد لله اخوك اتفق معاه علي مواعيد العرس والف الف مبروك وعقبال اشيل اولادك انتي واخوانك ....
-آمين يا ست الكل 😍
⚫⚫⚫
هتان جات قعدت جنب امها وهي حزينه ....
* في حاجه هتان ؟
- موش شايفه بدري شويه علي إجراءات حصر التركه ودم بابا لسه ما نشف من علي الارض وحتي الجاني حر طليق ولسه ما إتقبض عليه ؟!
* دي حاجات انتي م عندك دخل بيها ... افضل تنتبهي لي قرايتك وبس..... من غير شي السنه شبه ضاعت بسبب ظروف البلد ...
سكتت حبه وبعدها : انتي بتتجسسي علي ولا شنو ؟
- لا ماما العفو بس جيت طالعه وسمعت مكالمتك مع المحامي بالصدفه ..
* علي كل حال حصر التركه ده م كان طلبي أنا ...ده طلب مره ابوك الجديده وبالنسبه للجاني الشرطه قايمه باللازم وبتفتش عنه في اي محل وقريب ح يتم القبض عليه....
- آسفه ماما ... بس م قادره اتخيل انو بابا ممكن يتزوج عليك ...
* ده مكتوب حبيبتي وم عايزاك تزعلي من بابا م معروف ظروفه شنو وحاليا هو في ذمه المولي عز وجل وما بتجوز عليه غير الرحمه امكن الشي البغفر ليهو كل العملو.... انو كتب كل ثروته بإسمك انتي.. والاسمها تسنيم دي غير بيت جبره م ح تلقي شي وكمان انا وانتي مشاركنها فيه ...
- تستاهل لانها طمعانه في ثروه بابا واذا عرفت انو كتب اي شي بي اسمي م كانت اتزوجته ...
* انسيها وخلي بالك من دراستك وبس ....
سكتت مساافه وبعدها : ماما كنت عايزه استأذنك اروح ازور بابا الله يرحمه ....
- طيب يا روحي خلي السواق يوصلك وبعد تخلصي امشي شوفي اخوتك طولو مننا وتعالي ...
* حاضر ماما ....
💙💙💙💙
جود كل مره بتفتح التلفون وتعاين للساعه ... جهاد اتأخر كده بديت اقلق انا ... وئام لييي م خلاك تدخلي معاه للدكتور ؟ انا ماشه اشوف الحاصل شنو ؟
