جات جود عشان تسلم ...... مدت لي ام ساجد يدها .... وسلمت عليها في ترحاب ومشت علي اخته بس اتسمرت في مكانها لما عيونهم اتلاقت وكل وحده صرخت في وش التانيه (انتي ؟) 😱🙊😨
- انتي زي الشبح بتظهري لي في كل حته ؟
* تفتكري انا الفرحانه بي شوفتك يعني .....
- بتعرفي ناس ساره من وين ؟
* انا الاخت الكبيره لي ساره شهاب الدين 😒
ام ساجد زجرت بتها وقالت وهي بتحاول تلطف الجو : طلعتو بتعرفو بعض ؟ فعلا الدنيا دي ضيقه ..... يلا ي جماعه ندخل في الموضوع انا محاسن السر ارمله المرحوم طه السنهوري ودي بتي سحر السنهوري بكلاريوس طب جامعه ( ) وولدي الكبير ماجد السنهوري مهندس.. واخر العنقود ساجد مساعد تدريس في جامعه ()
اماني رحبت بيهم وقالت ماشاء وبدورها عرفت افراد اسرتها... بعد تلت ساعه جات ساره سلمت وقعدت ...... محاسن اعجبت بيها شديد وقالت يارض احفظي ما عليك اما سحر فضلت تتفحص الجميع وكالعاده بتعاين ليهم من فوق لي تحت وهي ساكته.... بعدها جات هتان وقعدت جنب ساره وكانت فرحانه جدا ... حداس جابت الشاي والحلويات وقبلهم كان العصير طبعا .....
محاسن طلبت يد ساره والكل كان مبسوط عدا سحر كانت عايزه بتين تطلع من البيت ده ...
حداس صبت الشاي ووزعتو ولما جات تخت لي ساره هتان صرخت في وشها : لا ساره السوائل الكتيره بتضرها انتي عايزه تمرضيها ؟
سحر عاينت في استغراب : اول مره نسمع السوائل بتضر زول 😒
هتان اتجاهلت كلام سحر وقالت لي ساره بي كل براءه : قلت ليك سوقيني معاك الغسيل ولا مره ما سوقتيني 😔😔
اماني ارتبكت ونهرت هتان : امشي الغرفه ي هتان 😒
سحر سألت هتان : قصدك تسوقك معاها الغسيل الجاف الدراي كلين يعني؟؟
هتان : لا غسيل الكلي ..... ساره بتمشي كل سبت وتلاتا وما حصل ساقتني من انا صغيره 😔😔
اماني وشها عمل الوان وام العريس نطتت عيونا في حزن وخوف وقالت : ربنا يشفيها يارب 😰😰
سحر في خبث : ساجد عنده علم بالموضوع ده؟
ساره جرت غرفتا وهي بتبكي وجود اتولت الرد : اذا م عنده علم اسي اكيد ح يعرف ومستحيل موضوع زي ده يتخبي 😒
سحر عايزه ترد بس سمعت صوت الرجال وهم طالعين ما صدقت قامت بسرعه بدون م تودع الناس ركبت في العربيه اما محاسن كانت ذوق خالص ودعتهم وشكرتهم علي كل شي ومشو!!!!
جود واماني ولميس مشو لي ساره في الغرفه ولقوها بتكبي وموجوعه اماني ضمتا عليها وهي بتقول : معليش حبيبتي كلو من اختك الغبيه بس هي لسه صغيره م تزعلي منها وانا لما امشي البيت عندي معاها كلام تاني .....
