عاينت للرقم في دهشة وردت في حزن : الو 😔
جاها صوت هادي حزين : اهلا يا بتي
* اهلين ... منو معاي ؟
- معاك خالتك سهير السنهوري
* اهاا اهلين خالتو ... كيف اخبارك ؟
- تمام يابتي كنت عايزاك في موضوع
* خير ان شاء الله ؟
فجأه جود سمعت صوت عالي بقول : انتي جنيتي ؟ عايزه تقولي للبت شنو ؟😡
بعدت سهير السماعه عنها وردت في غضب : طول عمرك جبان ... لو كنت راجل كانت قاعده معاك في بيتك وتحت رعايتك و
فجأة سمعت صوت التلفون ارتطم بي حاجه صلبة وبعدها قطع الخط ...... حاولت ترجع تاني بس التلفون مقفول ....
عاينت لي وئام في قلق وغمغمت في شرود : م فهمت حاجه 🤔 خالتو سهير دي عندها سر وهي عايزه تقولو لي ... بس عمو مأمون منعا لكن انا بعد ابقي كويسه لازم امشي ليها ... يبدو انها رجعت السودان ...
وئام : دي موش عمه ماجد ؟ عايزه منك شنو كمان ؟
جود : الله اعلم بس ح اعرف قريب ...
جهاد جا داخل مخلوع وجري علي جود ولمس وشها في قلق : مالك ؟ حصل ليك شنو؟ دايما بحذرك من اجهاد نفسك شديد ... اسي شاعره بي شنو ؟
جود في حنان : انا كويسه اطمن 🙂 وئام بتحب تهول المواضيع ...
جهاد عاين لي وئام وعلق : وئام مافي زيها ... ممتن ☺
وئام في ارتباك : علي شنو ؟ جود دي توأم روحي 😍😍
جهاد : الفحوصات طلعت ؟
جود : لا لسه ... م عارفه مأخرنها بعد يومين ليي ؟ اصلا انا كويسه م عندي حاجه ... شويه تعب وح يروحو لي حالهم ...
💙💙💙💙
مأمون وقف قدام سهير في ضيق : عايز افهم اذا ما جيت بالصدفه .....كان جود عرفت الحقيقة .... حرام عليك ياخ!! انانيتك خلتك تغضي البصر عن حاجات كتيره ..... ناسيه انو هي م عندها ذنب ؟ لييي عايزه تخربي عليها حياتا وتعيشيها في عقده نفسيه طول عمرها ..... انتي فاكره انو ساهل علي اشوف بتي بتقول ابوي لي راجل م عنده اي صله دم بيها ؟ لكن رضيت بي دفع التمن ....مافي عقاب اكبر من ده .... اماني وضعها اخف مني .... ع الاقل شايفه بتها قدام عيونا .....وممكن تضمها في اي لحظه!!! لكن انا ربنا عاقبني.. بتي الوحيده ال كانت ماليه علي حياتي ضاعت في لمح البصر والتانيه ح اظل محروم منها طول العمر ...
سهير عاينت ليه من تحت لي فوق : اسمع اذا عايزني اسامحك علي عملتك القذره مع بت الحكيم رجع لي بتي تعيش معاي هنا قدام عيوني وفي حضني مهما كان التمن..
مأمون اخد نفس عميق : اولا دي ما بتك ... لانها اذا بتك ما بترضي تخربي عليها... بسبب انانيتك ... وعشان اقفل معاك الموضوع ده مره وحده ... مستحيل اقول لي جود انو امك خاطئه وانتي بت ما شرعيه ..... ح اقبل بي حرماني منها.. تكفير لي ذنبي وح اخليها للايام... ما معروف بكره يحصل شنو .....واذا يا سهير عرفت انك مشيتي ليها وجبتي سيره الموضوع ده صدقني بتكون نهايه زواجنا وعشره السنوات ....
