ماجد مشي مع جود الحمام واصر انو يغسل ليها الحنه وهي تضحك : ماجد ح اعملا براي... تسلم حبيبي 😍
ماجد : يا روحي بطنك الكبيره دي ح تقدري تدنقري كيف ... م مشكله بخلصو كله منك ... انتي روحي ياخ... انا لو اطول ادخلك جوه في قلبك ده مافي اي زول يشوفك غيري ❤
جود عاينت ليه مسافه وبعدها دمعه قاسيه جات منحدره من عيونا : ح تنساني ؟
ماجد غمض عيونو في حزن وسهم قاتل اخترق قلبه ورد : لييي بتقولي كده حبيبي ؟
جود مسكت يده في حنان : انا عرفت اي حاجه ماجد 😰
ماجد فك يدها ونطط عيونو في خلعه : قصدك شنو يا روحي ؟
جود : قصدي كفايه الالم العشتو عشان تمثل علي انك سعيد وانا كويسه ....
ماجد حضنا وبكي في تشنج وبعد مسااافه ...جود كانت بتطبطب عليه : يا روحي انا م خايفه من الموت ... الموت علينا حق ..... حزينه عشان الالم ال تعيشو بعدي ....آآآآه حبيبي كل الالم ده شايلو في قلبك وصابر وساكت ... اكيد ربنا بحبني عشان اداني راجل زيك ... بس الدكتور هو منو عشان يحدد ح اعيش كم ولا اموت بتين ؟ طمن بالك.. واذا حصل ومت ادعي لي واذا ... صحي بتحبني خلي بالك من (وفاء) ربيها احسن تربيه .. وحبها وشيلا في عيونك ...
ماجد فضل يبكي لحدي ما دخلت العمليه وكانت صعبه استمرت مده طويله ....
💙💙💙💙
شهاب بمشي ويجي في الصاله وساره ولميس وجوري بقرو في المصحف اما اماني كانت منهاره وقاعده في ركن بعيد وماسكه سبحه ..... كل الاجواء حزينه .... صمت رهيب عم المكان......
وئام بصوت باكي : جهاد امشي شوف لييي اتأخرو كده ؟ انا خايفه علي جود شديد .. وكمان الجنين اذا م خلصت التمنيه ح يموت ...
محاسن : لا دخلت في التاسع والجنين كويس واتفائلو عليكم الله راعو لي ماجد ده بقي زي الشبح ....
الدكتور جا طالع ومرق الكمامه ... الكل جري عليه بس مافي زول اتجرأ وسألو عاين ليهم وقال : غريبه مافي زول سألني... علي العموم جابت بنت زي القمر ...
فجأة الفرح عم المكان والكل سلمو وباركو لي بعض بس ماجد قرب من الدكتور وسأل : وجود 😰 جود كيف يا دكتور ؟
الدكتور في حزن : تعبت شديد اثناء الولاده ... ادعي ليها تتخطي،المرحله دي ...
ماجد بكي : ممكن اشوفا ؟
الدكتور : بعد شويه ح تطلع غرفه المتابعه ولما تفوق ممكن تشوفا عادي ...
محاسن حضنت ماجد وهي بتبكي : ربنا يكمل فرحتك ان شاء الله.. م تيأس حبيبي الله كريم.... قول يااارب ...
ماجد رفع وشو : يااارب
❤❤❤❤
مرت اللحظات بطيئة وكئيبه لحدي ماجات الممرضه..... قالت ليهم المريضه فاقت.... الجميع جري علي الغرفه...... بس الممرضه وقفتهم : لحظه لحظه ✋ المريضه في وضع حرج .... واحد واحد..... لو سمحتو،،،،، والا ح امنع الزياره خالص،،،
