ما تنسوا التصويت على الحلقات
صحت تسابيح من النوم بمغص عجيب منال جات جاريه عليها في خوف : سجمي مالك يلا نمشي الدكتور ...
تسابيح في بكاء : خلي ينزل افضل من المصير الاسود المنتظره 😭😭
منال : مستقبله ابيض ان شاء الله وبعدين كله منك انتي مافي لعب في المواضيع دي ... قلتي ليك كلميه من حصل ليك الغياب عشان يكون في الصوره ... خبيتي عنو وطول اليوم بتتكلمي في التلفون وفي واحد بقول ليه انا عندي علاقه مع مرتك دايراه يقول شنو يعني ؟
تسابيح : قلت احركه شويه اخليه يحبني اخلي يحس بالغيره لما زميلي يضرب ليهو ودمه يفور ويحبني ويتعامل معاي زي ما اي زوج بتعامل مع زوجته ....
منال : في الآخر مصيره يرجع ليك انتي ويربي ولده في حضنه بس انتي ما تفقدي الامل آسر الايام دي مااا كويس عايزاكم ترجعو لي بعض عشان اكون قريبه منو ... الفقر ديل خلاص راحلين بعد يفضو البيت نرجع نقعد هناك وقلبو ح يحن ليك تاني ...
تسابيح : ان شاء الله ...
💟💟💟💟
ماجد صحي بدري من النوم ومشي سبح مسافه وبعدها جا قعد في مقاعد الجنينه وبجفف في شعره ...
محاسن وقفت من بعيد وهي بتقول : ماجد انت جنيت ده برد يسبحو فيه اذا ح تعمل كده انا ح اشفط الحوض ده واخليه فاضي لانو ده ما جو سباحه كان تخلي الواطه تسخن حبه.....
ماجد عاين ليها ورجع يجفف في شعره وهو بقول : ايوه ممكن تعملي اي حاجه انتي 😒 حتي ممكن تحددي لي البس شنو وآكل شنو وكمان اصحابي تختاريهم لي لاني انا م عندي شخصيه ومسلوب اراده لكن انا ح احسم الامور دي كلها واولها ...
مشي علي الطاوله ال في الجنينه وشال تلفونه واتصل بي ميار وقال بعد ردت : اسمعي يابت الناس انا م بقدر اكمل معاك اذا جاك ود الحلال ما تنتظريني وح اتصل بي عمك وابلغو الخبر ومعليش وآسف جدا ...
محاسن فتحت خشمها في دهشه وزعر وهو رمي البشكير في المقعد ودخل الڤيلا ...
سحر قابلت ماجد في الباب ولاحظت لي ملامحه وجات لي امها : هه مالو ماجد عامل كده شكلو يخوف ؟
محاسن في حزن : فسخ الخطوبه من بت آل راشد وبيتنا خرب خلاص يا بتي😧😧
سحر : عليك الله ؟ ميار ح تموت لكن اعملي حاجه ماما 😔 ح تسمحي يعرس بت من حي شعبي تاني وكمان اخت مره ساجد ؟
محاسن : والله الاولاد ديل عذبوني ياريتني كان لحقت ابوك مت وارتحت بدل العذاب الانا فيه ده 😞
سحر طبطبت عليها : بعد الشر عليك حبيبتي!!
تلفون سحر رن عاينت للرقم وقالت في حزن : ميار ي امي اسي انا اقول ليها شنو ؟
