جات جودي من الكوافير بعد عملت الحنه ودخلت غرفتا علي طول ... فتحت الشنطه وطلعت مسكن .....اخدت حبتين ونامت ....
اماني جات شايله جك عصير برتقال....قعدت جنبها في هدوء ....لمست شعرها... بتي السمحه ربنا يحفظك ويغطي عليك من كل عين... ما صلت علي النبي ... قومي ياروحي اشربي العصير ده عملتو ليك بي ايدي ....
جود رفعت راسا وردت في نعاس : تسلمي ماما ربنا يخليك لي ان شاء الله ....
اماني جرت الغطا علي رجلينا : يا بتي م تخلي رجولك كاشفه حتي من اقرب الناس ليك ...
جود في اعياء : مافي زول غريب.. مديحه دي متربيه معانا بس فاقده اوما حبيبتي لكن مبسوطه انها ح تتزف معاي في نفس اليوم علي اخوي الغالي 😍
اماني : وئام بت حلال بس اعملي حسابك من ام جضوم الاسمها مديحه دي ...
جود ضحكت وختت راسا في كتف امها وهي بتقول : حرام ماما الحمد لله ايهاب بقي كويس معاها😔
اماني : يا بت انتي مافي شي مودرك غير براءتك دي بعدين البختارك انتي،م بقدر يعيش مع الزي مديحه دي.... خاصه وهو حاسي بالندم.... لانو ضيعك من يده !!
جود : م عايزه اظلم زول كفايه الظلم حق آسر وطلع برئ ....بتعامل معاها بالظاهر والظاهر حقها كويس...
اماني : ايوه آسر مسكين ده ولد الرضا والله منال عملتا كيف م عارفه !!!
جود : هههههه قصدك جابت آسر ؟
اماني : اكيد سبحان الله يخرج من ظهر الفاسد عالم ...
❤❤❤❤
#يوم الزفاف 💍 👰
جود لبست فستان دانتيل اوف ولايت ،،، منطقه الصدر شفافه نوعا ما ... مفصل علي الجسم لحدي الركبه وبعدها فاري شكل ورده،،، والاكمام طويله من الدانتل الشفاف ... اما تسريحه الشعر كانت بسيطه خصلتين كبار في الوش وتاج انيق في النص والورا مجموعه كله في حته واحده ..
ماجد وساجد جو الكوافير وساقو العرايس وبعدها علي الصاله ... ماجد طلب اغنيه راغب علامه.... انت الحب الكبير الاول والاخير .... بس لاحظ وش جود.... شاحب ومتغير... اثناء ما برقصو وكانت ح تفقد توازنا بس مسكا قبل م تقع وضماها في حنان وبدون ما زول يلاحظ مشو علي المحل المخصص ليهم وبعدها م فارقت كرسيها خالص.... عكس ساره وساجد ال ما قعدو خالص في كرسي طول الحفله رقيص ...
بعد الحفله خلصت عملو الجيرتق وماجد وعروستو سافرو القاهره لقضاء شهر العسل ....
💛💛💛💛
اماني رجعت مهمومه البيت وبعد غيرت ملابسا سألتا هتان في حيره : مالك ماما ملاحظه انك مهمومه طول الحفله عكس قبيل كنتي فرحانه شديد ...
