مشت جود العربيه وهي مطمنه بعد اخدت وعد من باهي بكره يتلاقو...... وحست انها قربت تمسك طرف الخيط ....
اشرف سرح مسافه كده وبعدها : تفتكري م بتحاول تلعب معانا ؟ يعني تفتح التلفون واكيد عارفه الباسويرد واحتمال تمسح حاجات بعد عرفنا انو معاها ...
* م اظن البت دي صغيره وبعدين بتخاف من اهلها م بتقدر تعمل شي ...بعدين اكيد م بكون ليها يد في الحصل للمرحومه ...
- بس ممكن تكون ساعدتا ...
* م عايزه ازحم راسي بي تخمينات ...بكره ان شاء الله ح نعرف اي حاجه وزي م قلت ليك اي زول ليه علاقه بموت جوري ح يتحاسب 😒
- قبل م انسي ...الحصل يوم الافتتاح ده موش ملاحظه انو اوڤر شويه ؟ وفي حاجه الشبه البينك وبين بت مدام سهير المتوفيه ...
* شيرين متوفيه ؟ يالله م عندي علم والله 😰 ي حرااام عشان كده المره لما شافتني قرب يغمي عليها ...ربنا يرحما
- مدام سهير وزوجها ناس محترمين بس ده ما بمنع انك تكوني حذره 🙂
* مالك عايز تخوفني ... بعدين الموضوع ايزي حبتني لاني بشبه بتها المتوفيه ...
🍬🍬🍬🍬🍬🍬🍬🍬🍬🍬🍬🍬🍬🍬
جود مشت الصاله عشان تسلم علي وئام وتشرب معاها فنجان قهوه قبل م تداوم وبعدها : آسر ده شخصيه غريبه بالجد 🤔 قبل ايام كان ح يطير من الفرح عشان وافقت ارجع ليه وبعد مرض امه بقي م بتصل علي خالص وحتي في الشارع م شايفاه ....
- الولد ده عايش ضغط نفسي شديد اعذريه ....
* م عارفه بس م مطمنه نفسي المشاكل دي كلها تتحلي ونتزوج واكون معاه لي آخر العمر ❤
- آمين يارب ...قصه حبكم تستاهل نهايه سعيده .
*مافي خبر عن مديحه ؟
- بسسس 😏 عليك الله م تقلبي لي مزاجي وتطلعي لي فنجان القهوه ده من راسي ...
* اكتر شي كاسرني لييي عملت معاي كده ؟ انا كنت بتمني ليها اي حاجه حلوه .
- لي خير ...اذا اتزوجتي ايهاب كان ح تندمي لانك بتحبي آسر لسسه... جيتك من فرنسا زعلانه واحساسك انو اتخلي عنك اثرت علي تفكيرك واذت مشاعرك وصورت ليك الامور غلط ...ايهاب شاب كويس ومركزه مرموق سحرك بي جاذبيته واتخيلتي انك حبيتيه وهو كان جاهز طلبك للزواج وبعدها حصل الحصل ...
* م عايزه اتذكر الماضي
- آسر م اتصل ...اتصلي انتي ... حبيبك وود عمك م فيها حاجه .
قبل م ترد تلفونا رن وابتسمت في فرح وهي بتفتح الخط وتقول لي وئام وهي بتحرك شفايفها (آسر آسر) : اهليين
- كيفك جود
* الحمد لله ...اخبارك شنو ؟ طمني عليك ...
اخد نفس طويل وبعدها : انا كويس ممكن اشوفك اسي ؟
