جود نططت عيونا وقالت في حزن ودهشه : امي 😔 صدقيني انا مشيت عشان اقدم استقالتي بس مدام سهير مرضت ووقعت لحدي ما ودوها المستشفي ...
اماني : جود انا قلت العندي اختاري بين سهير وامك ومع السلامه اتأخرت علي شغلي ...
جود اخدت نفس طويل واحتارت تعمل شنو ... ابوها م راضي تشتغل عند امها وامها م راضيه تشتغل عند سهير 😞 ...
تتصرف كيف ؟
💟💟💟💟
اسر صحي من النوم بمزاح سيئ وصداع قاتل ومشي بسرعه علي الدولاب وفتش الحبوب واتصل بي امو وصرخ في وشها : وديتي الحبوب وين مافي زول بجي البيت ده غيرك انتي الشلتيهم وتكون حرشتك بت اختك لانها حاقده علي ... دايراني اسكت علي ولد ما معروف جايباه من وين؟
منال في حزن : استغفر الله العظيم ده كلام شنو ده ي ولدي انا والله م شلت حبوبك وبعدين اذا م لقيتهم امشي جيب غيرهم بس اصلها حبوب شنو دي ?.. لو م قادر تمشي قول لي الاسم انا بمشي اجيبهم ليك واجي ....
آسر قفل منها وهو بقول خلاص خلاص ...
طلع صندوق سيجاير وبقي يدخن وحده ورا وحده وماسك راسه من الصداع وبعدها مسك الصندوق ومزقو وكسر باقي السيجاير وبقي يكورك من الصداع لحدي ما تلفونه ضرب كم مره بس م رد ولا حتي شاف الضرب منو بعد نص ساعه الباب دق وقام عشان يفتح وهو بقول في ضيق : اووووف لييي الناس م عايزه تسيبني في حالي؟!!
فتح الباب وكان شهاب ومعاه لميس ... عاين ليهم في اعياء وهو بقول : اهلا عمي اتفضلو
شهاب عاين ليهو في خوف وقلق وقال : خير ي آسر مالك ؟ انت عيان ؟!!
آسر : لا بس مصدع شديد ...
لميس : قوم قوم يلا البيت الفطور جاهز تاكل ليك لقمه وبعدها تمشي الدكتور مع ابوي ...
آسر : لا ما ماشي الدكتور انا كويس اطمني ...
شهاب في اصرار : يلا قوم ارح البيت ترتاح شويه وبعدها نشوف البحصل شنو ؟
لميس : جود اتصلت عليك كم مره ولما لقتك ما رديت خافت تكون عيان وطلبت مننا نجي نفقدك ....
آسر ضرب جبينه في استدراك اهاا جود نسيت الح
بتر كلامه ودخل غرفته واتصل بي جود وقالت ليه الحبوب جاهزه ولما يجي البيت ويفطر هي بتكون رجعت ....
قفل منها وجا طالع بمعنويات عاليه وغير هدومه في فرح وطلع معاهم علي البيت وهو منتظر جود علي احر من الجمر ....
🖤🖤🖤🖤
جود فضلت ماسكه الحبوب مسافه وبعدها سألت : دي مهدئات برضو صح ؟
يوسف : لا اقوي شويه تخليك في عالم تاني وك خدمه مني ليك اذا عايزاها في اي وقت انا تحت امرك ...
