جهاد مشي عشان يفتح الباب وبعد شافو الجايهم منو في الوقت ده صرخو بصوت واحد : انتي ؟ 🙊
وقفت مديحه تبكي وهي شايله شنطه هدوما قدام الباب ..... جهاد زح ليها من الباب وشال الشنطه منها وهو بقول : اتفضلي اتفضلي جوه ..... جود جهزي عشا للضيفه بسرعه .....
جود قربت منها وسلمت عليها وقادتا لحدي الصاله بس لميس كانت بتعاين ليها في ضيق وغيظ وبعد جهاد مشي الصالون قالت ليها : والله انا زي قوه عينك اصلي ما شفت 🤔 جايه كده بدون سابق انذار زي التقول البيت ده بيت ابوك 😡😡
جود زجرت لميس وساقتا معاها المطبخ وهي بتقول لي مديحه اخدي راحتك وطلبت من ساره توديها الغرفه عشان تغير هدوما .....
لميس عاينت لي جود في ضيق وقالت : تاااااني ي جود ؟ انتي ما بتتعلمي من اغلاطك ؟ المره دي خليها تشلب جهاد كمان 😒😏😡
جود ختت يدها علي خشمها عشان تكتم الضحكه وردت : هه لميس شوفيها عامله كيف شكلها متشاكله مع زوجها وما عندها زول غيرنا هنا نتخلي عنها في ظروف زي دي ؟! مستحيل !!! كان الله في عون العبد ما كان العبد في عون اخيه .....
لميس : هي لمن خربت بينك وبين خطيبك وشلبتو م اتذكرت الكلام ده لييي ؟
جود : كل زول واخلاقه وتربيته السيف يقطع علي اصله ......
لميس : انا غايتو ح اتحمل الليله دي بس.. لكن ما بوعدك بي اكتر من كده نحن الفينا مكفينا 😒 لاحظتي لي وشها مورم كيف .....بركه عجبني ليها يكون ايهاب لطشا في جضوما الزي النبق الفارسي ديل... تستاهل لانو انا لو دي مرتي.... بفتح عيني كده من النوم والطشا كف في وشها!!!
جود : هههه هاك ي مجنونه ودي ليها العشا ده وانا بجيب العصير واجي !!!!
لميس عاينت لي الصينيه وقالت : والكونتسه ح تاكل ليك الفول ده .....هي خلاص اتعودت علي الاكل السمح ....
جود : الجود بالموجود امشي ياخ خليناها براها وعشان خاطري م تجرحيها بي كلمه تاني .....
لميس لوت خشمها وشالت الصينيه ومشت وهي بتقول والله انتي غير قلبك الميت ده مافي شي واديك الارض .....
💟💟💟💟
آسر كل مره يخت رقم جود في الصادر وتاني يتراجع ... *" تاني ما بتبص ليك في وشك انت خذلتها وسودت وشها ..... كيف تقدر تواجها تاني ؟ لييي ي جود دايما الرياح بتجي معاكسانا كأنو م مكتوب لينا نفرح مع بعض!!!! حظي معاك لا في زواج ظبط ولا في شغل كمان ..... يارب ارفع غضبك وسختك عني وارحمني بي رحمتك الواسعه يارحم الراحمين .....
قطع عليه شروده صوت تلفونه ...... فتح الخط ورد : اهلا ي امي كيفك ؟؟!!!
- تمام ي نور عيوني قبيل جيت لقيتك نايم مليت ليك التلاجه اكل....... سخن بس واكل حبيبي.... ما تقلق امك عليك انا لو ما تسابيح عيانه كنت جيتك كتير بس البت امانه في رقبتي ......
