صحت اماني بدري من النوم وطلعت بدون م تكلم زول واول م وصلت محلات شغلها اتصلت بي شهاب وطلبت منو يجيها في المكتب ضروري ...
بعد اكتر من نص ساعه وصل شهاب مكتب اماني وقعد ،،،،، بعد طلبت ليه قهوه اتكلم : غريبه الليله اتواضعتي واتصلتي بي ...خير ان شاء الله 🙂
* شهاب لو سمحت انسي خلافاتنا شويه ونفكر في مستقبل بناتنا وبس
- والله قربت اصدق انو قلبك علي بناتك ...
* جود لازم تنسي موضوع زواجا من ولد مأمون ...
- طيب 😒 بس ممكن اعرف السبب عشان اقتنع بيه واقنع بتك وكمان اهل العريس ....
* م مناسب وخلاص بعدين انا امها ومفروض تكون كلمتي مسموعه ...
- الامومه دي في سماع الكلمه بس ولا شنو؟ احكي السبب الاساسي ي اماني وم تضيعي عريس كويس من يد بتك .. لاني اذا لقيت م عندك سبب مقنع ح اضطر اوافق،،،،، بصراحه الولد م بترفض بعدين ديل اهل خطيب ساره يعني لو رفضنا شادي ممكن يرفضو يناسبونا في ساره ...
اماني عيونا اتملت دموع وقالت : م عارفه اجيبا ليك كيف 😭 بس الزواج ده م بجوز لا شرعا ولا قانونا ....
شهاب وقف علي حيله : شوفي ي اماني المثل بقول الني للنار عريس مثالي مستحيل ارفضه لي بتي لمجرد انك م حابه الموضوع بعدين مين عارف انتي زوله انانيه وماديه يمكن عايزه تعرسيه لي بتك هتان ...
* شهاب انتظر 😭 الموضوع ده م عنده علاقه بي غروري ولا اي شي الزواج ده خطأ كبير ح يكون ...
- كمان اصدرتي فيه فتوي ... اذا قلتي سبب مقنع ممكن امشي بيه،،،، خلاف ذلك مهما حاولتي العرس ح يتم ان شاء الله ...
💟🖤💟🖤💟🖤
ركبت جود مع اشرف في العربيه واتحرك بيها علي طول لحدي م وقف في مقهي هادئ وهناك ..
* هات الجديد متشوقه شديد ...
- تتذكري البنوته البتقرأ مع ناس باهي وجوري ديك ؟
* بصراحه نسيت اسمها بس متذكراها اها الحصل شنو ؟
- قبل كم يوم اتصلت علي ولما سألتها عن باهي ردت لي رد غريب !!
* كيف ؟
- قالت قبل فتره لاحظت تصرفات غريبه علي باهي ... كل كم يوم بجي راجل كبير في السن بوقف عربيته بعيد من المدرسه وهي بتجي تركب معاه ويمشي علي طول ... طلبت منها تحدد لي المواعيد البجي فيها احتمال اصادفه واعرفه وللاسف جيت مره واحده شفتو وبعدها تاني م جا ... صاح م عرفته بس لو لاقاني بعد سنه بقدر اعرفه ...
* طيب م حاولت تسأل باهي عنو ؟
- المفاجأه التانيه باهي اهلها عرفو انها بتطلع مع راجل غريب وكبير ... ابوها ضربا ضرب شديد وفي ظرف اسبوع طلعا من المدرسه وعقد ليها علي ولد عمها ورسلوها ليبيا محل زوجها ...
