منو الممكن يجينا بدري كده ؟
اتحركت علي الباب ووراها وئام ... نزلت الترباس في تردد وفتحت الباب ولقت جهاد اخوها واقف وشايل ولده في صدره ...صرخت وحضنته وهي بتبكي في تشنج والصغير بدأ يصرخ في هيستريا من الاصوات العاليه وألين اتقدمت في غضب وشالت الولد من جهاد وهي بتغمغم في عصبيه : Quel est ce retard؟
شهاب والبنات جو جارين بعد سمعو صوت البكي وحضنو جهاد واتفتح البكي من جديد والجيران بقو يتوافدو في سرعه عجيبه ...
ألين كانت منزويه في ركن وشايله شهاب الصغير وهي بتقول لي جود في ضيق ...
*Je crains peu de ce temps chaud.
-Mes enfants sont très forts, mais je vais apporter un refroidisseur d'air pour mon cher neveu.
لميس جات وسمعت الحوار بين جود وألين وسألت في فضول : مره اخوك المستبده دي كانت بترطن تقول في شنو ؟ اكيد البيت م قدر المقام 😏
جود : لا... قالت الجو حار وخايفه علي الصغير... وانا وعدتها اني اجيب مكيف لي شهاب .....
لميس : وانتي ح تجيبي ليها مكيف من وين ؟ عارفه نسمه بقي بكم ؟ دي حلبيه مجنونه بعدين جهاد قال ليها الجو في السودان حار الايام دي بس اصرت تجي معاه !!
جود في ضيق : بشيل واحد بالتقسيط من محلات ناس اشرف الموضوع م خطير ... بعدين رغم انو الخريف بدا بس الجو حار والولد صغير وطالع من مرض احتمال فعلا م يتحمل !!
لميس في حيره : انتي مالك؟ في حاجه مضايقاك ؟ وشلتي مني النمبر بوك لي شنو ؟
جود : آآه ي لميس سيبيني حاليا ... لا الزمان ولا المكان مناسبين للحكي بعدين .....
فجأه سمعو صوت منال بتبكي مع جهاد وبعدها لميس : مجرد اسمع صوت مره عمك دي بتوتر 😒😏 غريبه الليله الغدا حق ولدها كيف سابت المعازيم وجات ؟
جود وهي داخله الغرفه : عايزه تعمل الواجب
لميس : هم 😒 واجب ؟
💟💟💟💟💟💟💟💟💟💟💟💟💟💟
جود لبست بسرعه وطلعت علي غير العاده بعد استأذنت من اخوها وزوجته وفي اقل من نص ساعه كانت واقفه في بدايه الشارع البودي لي بيت ناس باهي .....
بعد وقت م طويل جات باهي وهي بتتكلم في التلفون مع وحده من صحباتا وفجأه طلعت ليها جود من وراها واتخلعت لما التلفون كان ح يقع منها وقالت في غضب وهي خاته يدها علي قلبها ومنططته عيونا : سلام قول من رب رحيم 😥 خوفتيني وربي ... ياخ الاساليب دي انا م بحبها لو سمحتي 😏
جود : معليش لو عندك اخت ماتت في ظروف غامضه كان ح تجدي لي العذر ..... واسي خلينا في المهم 😒 بتعرفي آسر ؟
باهي : آسر شرف ؟ اقصد آسر منو ؟ ياخ انا ماشه المدرسه انا مليت منك كل يوم ظاهره لي في وشي ... سيبيني في حالي يوووخ 😔
