ماجد مسك كبايه الشاي وعاين لي جود في عيونا شديد : يسلموو😍
شهاب : كيف الحجه ان شاء الله كويسه ؟
ماجد في ابتسام : طيبه الحمد لله ...
باب الشارع فتح والمره دي كانت اماني وهتان ومن شافو ساره مسكوها وبقو يبكو لحدي ما لميس جات هدتهم ودخلو جوه ...
ماجد فضل مراقب جود داخله ومارقه وانتهز فرصه غياب الجميع وهمس ليها : واحشاني...
جود في خجل وهي بتتلفت : بالاكتر
ماجد : م باين 😶
جود : ههههه
فجأه جات ساره وكانت في كامل اناقتها وده خلي جود تقول ليها في حنان : ماشاء الله ي حافظ 😍
ماجد ابتسم وقال : خلاص نمشي ؟
ساره والدموع في عيونا : ايوه نمشي 😭
جود قربت منها ومسحت دموعا وهي بتقول : ح توحشينا كتير ي غاليه خلي بالك من نفسك وتكلميني كل نص ساعه طيب ؟
ساره من خلال دموعا وهي بترسم شبح ابتسامه : طيب 🙂
عايزين يطلعو بس سمعو صوت خبط في الباب ...جهاد مشي فتح ... حاجه محاسن وسحر بتها ....جو يودعو ساره ... وبعدها اتوجهو كلهم ناحيه المطار .....
بين دموع ونحيب وحزن ودع ساجد وساره اهلهم واتوجهو لي صاله المغادره وبعدها محاسن وسحر ركبو مع وليد وماجد مشي يوصل آل شهاب الدين!!!
💟🖤💟🖤💟
وصل ماجد بيت شهاب ولاحظ جود حزينه وخمن انو عشان فارقت اختها وبعد الناس نزلو قال ليها : ح تمشي الشغل علي طوال ؟
جود في حزن : لا الشغل خلاص اتفصلت منو 😔
ماجد في دهشه :
Sherine Style?
جود : ايوه 😔
وحكت ليهو التفاصيل كلها وكل العملو شادي وبعدها ماجد غضب جدا وطلع تلفونه وبقي يفتش في رقم بس جود قالت ليهو في ضيق : عايز تتصل بيهو ؟
ماجد عاين ليها مسافه وبعدها خت التلفون في اضانو ورد ليها : انا برضو البقبل اتصل بي شخص فصلك من الشغل لي سبب شخصي.... عشان يرجعك ؟ ما حذرتي جود .... مستحيل اقبل اعرض كرامتك للعبث....
جود اخدت نفس عميق وبعدها .... رد ماجد علي الشخص المتصل عليه : هلا مرام كيفك ؟ فاضيه
* (....)
- تسلمي😊 طيب ح امر عليك بعد الساعه وحده.....
قفل الخط وعاين ليها في ابتسام وقال : قريب ح تشتغلي شغل كويس جدا ومع ناس محترمه كمان!!!
جود : ممتنه 😊
ماجد : انتي هبله ؟
جود عاينت ليهو في عتاب وبعدها ضحك وقال : آسف 🙂
