آسر حسم التردد الجواه وضغط علي زر اتصال وبعد مسافه ردت جود : نعم
- عارف انك زعلانه مني
* طيب اذا عارف كده متصل علي لي شنو ؟
- لازم اعتذر انا الشيطان اعماني ...
* اعتذارك م بفيد بي شي علي العموم م تتصل علي تاني ... كفايه اللقينا منك انت وامك سيبونا في حالنا ياخ 😒
- انا غلطت معاك في شنو ؟
* معليش آسر ح اقفل انا سلاام .....
آسر عاين للشاشه وهو مذهول وبعدها بي دقايق تلفونو رن وفتح بدون م يشوف منو ورد بسرعه : جود
* جود ولأ جوري كلنا واحد اها اخبارك شنو ؟ عايزه الاقيك ممكن؟ بس في مكان خاص لاني لو ظهرت ليك في محل عام واتكلمت معاك الناس م بتشوفني وبتقول عليك مجنون ......
اسر في توتر وصوت عالي : انتي منو ياخ قولي لي عايزه تجننيني انتي ؟ انا م ناقص حرام عليك .....
* ا ن ا ج و ر ي اقول ليك اسمي بي لغه تانيه ممكن تفهم ...
آسر : انا م بلاقيك براي ولو سمحتي ما تتصلي بي تاني ...
* ههههه بتخاف ولا شنو ؟
لميس خشت انتظار علي اسر وعلق المكالمه ورد عليها : اهلا لميس بت حلال انتي كنت عايزك ضروري ممكن تلاقيني بكره ......
لميس : اذا دايرني ضروري ممكن الليله بعد ساعه كده الايام الجايه دي م فاضيه ح انزل ترينق ......
إسر : طيب انا في البيت انتي وين؟؟
لميس : نص ساعه ونتقابل في الظلط انا كمان في البيت ......
آسر : اتفقنا
لميس قفلت بسرعه واتصلت بي عدن وقالت بعد ردت ليها " يلا خلاص قربنا..... همتك معاي.. تطلعي بعد عشرين دقيقه بالضبط وتركبي تاكسي ... م تخافي بحول ليك رصيد.. وتجي بي الظلط حقنا وانا بكون معاي آسر انا ح أأشر وتكلمي زولك سيد التاكسي يقيف وبعداك ح اقول ليك تعملي شنو المهم م تتأخري تطلعي من دربك ده يا عدن ......
- اوك لميس !!!
💟💟💟💟
ماجد كان في المكتب فاتح اللابتوب بعد شويه وليد جا داخل .....
ماجد في فرح : وليد رضوان الصحه والامور 😍😍😍
وليد : هلا بالغالي بخيير والحمد لله ..... شكلي جيت بدري صح ؟
ماجد : لا في التايم يلا عندي ليك برنامج اولا الحجه عازماك غدا من سمعتك جيت الحت علي الا اجيبك ونجي نتغدي وبعدها نطلع رايك شنو ؟؟
وليد : مافي مشكله معقوله نكسر للحجه كلمه ؟ بعدين انا طولت منهم شديد فرصه اسلم عليهم .....