One More Night (Under Editing)

Chapter 16

Stacy POV

Matagal ko ng napag-isipan ang gagawin ko at talagang buo na ang desisyon ko. Makakasama man to sa magiging plano ko pero kailangan ko ng matatakbuhan sa oras nito.

Kailangan ko ng kaibigan na makakausap sa lahat ng problema at kinikimkim ko sa dibdib ko. Oo nga't nandito si Kevin pero nangungulila din ako ng isang tunay na kaibigan na makakaintindi sa akin.

Hindi lang ako nangungulila sa pagkawala ni Dad at Nana pati na rin ang kaibigan ko. Naguguilty ako dahil nagtago ako sa loob ng ilang taon.

"Sigurado kaba sa desisyon mo?" tanong ni Kevin sa akin habang nakatingin sa labas ng clinic ni Nathalie.

"Kevin sigurado na ako dito. Mapagkakatiwalaan din naman si Nathalie kaibigan ko siya simula pa nung mga bata kami at alam kong maiintindihan niya ang kalagayan ko." may pag-aalinlangan pa rin sa mga mata ni Kevin pero hindi na siya umangal pa.

Nagpapasalamat ako dahil nirerespeto niya ang desisyon ko. "Wag kang mag-alala." tinapik ko ang balikat ni Kevin bago may ngiting bumaba sa kotse.

Malalim akong napabuntong hininga bago pumasok sa clinic. Sobrang pinagmamalaki ko si Nathalie dahil natupad nito ang mga gusto niya sa buhay.

Hindi talaga nito gustong hawakan ang companya ng mga magulang niya dahil gusto niyang maging doctor mukhang kumbinsi din niya ang mga magulang niya para magtake ng med.

Ako din naman natupad ko na lahat nf pangarap ko pero hindi ako masaya sa mga nakamit ko sa buhay ko.

Madami nga akong pera at lumalawak ang companyang hinahawakan ko pero hindi ako masaya.

"Goodmorning nandyan ba si Dr. Nathalie Hernandez?" tanong ko sa babaeng nasa desk.

"Ahh yes ma'am, may appointment po ba kayo?" tanong ng babae sa akin.

"Wala pero pwedeng pasabing kailangan ko lang siyang makausap." tumingin naman sa akin ang nurse na naka assign.

"Sorry ma'am hindi po kasi kami nagpapasok ng basta-basta kapag wala kayonga appointment."

"Sabihin mo hinahanap ko siya. l'm honey cookies." nagtaka pa siya sa sinabi ko pero tumango pa rin siya at may tinawagan sa telepono.

"Morning Doc may naghahanap po sa inyo pangalan po niya Honey cookies kailangan daw po kayong makausap." sumulyap pa sa akin ang nurse bago tumango na para bang kaharap nito si Nathalie.

"Sige po doc sasabihin ko po." binaba na niya ang tawag nakangiti itong bumaling sa akin.

"Ma'am hintayin niyo po siya sa waiting area lalabas daw po siya para makapag-usap kayo." nagpasalamat naman ako sa kanya bago umupo sa sofa na nandoon.

Ipinalibot ko ang mga mata ko sa loob ng clinic at masasabi kong napaka homey ng ambiance dito.

Hindi din nagtagal ng bumukas ang isang pintuan at humahagos si Nathalie na lumabas. Natigilan pa ito ng makita niya ako.

"Honeyyy ikaw ba talaga yannn?!" mangiyak-ngiyak niyang tanong sa akin.

"Anong akala mo sa akin multo?!" pagtataray ko sa kanya na ikinaiyak na niya ng tuluyan bago ako niyakap ng mahigpit.

"Whhaaa akala ko ngaa multo ka ehhh! Gaga ka anong nangyari sayoo? Bakit ka bilang nawala ha? Alam mo bang nag-alala sayo si Tito? Kung saan-saan ka namin hinanap.  Halos halughugin na namin ang buong pilipinas kula na nga lang paliktarin pa namin ang mundo para mahanap ka. At ang gagong Laurence na yun nagawa pang makipagbalikan kay Nicole ng mawala ka!" natigilan  naman siya dahil napansin nito na ang bago ang ekspersyon ko.