💛Y.E.L.L.O.W💛

Part 30

"Ring 📳 Ring 📳"

ဖုန်းမှာ ပေါ်နေတဲ့ နာမည်လေးကို မြင်လိုက်ရတာနဲ့ ရင်ဘတ်တစ်ခုလုံး ဆူးနဲ့အထိုးခံရသလို နာကျင်လာတယ်။ သိပ်ဟန်ဆောင်ကောင်းတဲ့ ကလေးငယ် ကိုယ့်ကိုမုန်းနေရက်နဲ့တောင် ချစ်ဟန်ဆောင်နေခဲ့တာ။

"Unnie ဖုန်းကိုင်လိုက်လေ Jennieဆီကမလား "

Chaeက ကားမောင်းနေရင်း ဖုန်းနံပါတ်ကို တစ်ချက်ကြည့်ရင်း ပြောလာခြင်းဖြစ်သည်။ Chaeကို ခေါင်းငြိမ့်ပြပြီး ဖုန်းကိုင်လိုက်ပေမဲ့ အသံကြားရမှာတောင် ကြောက်နေတယ်။ အရင်က သူဘာပြောပြော ဘာမှမဖြစ်ပေမဲ့ အခု သူကိုယ့်ကိုမုန်းနေတဲ့ဆိုတဲ့ အသိတစ်ခုနဲ့တင် သူ့ဆီကထွက်လာမဲ့ စကားတွေကို ကြောက်နေတယ်။

"Hello Jen"
"အင်း ငါအခု အဲ့ဒီကိုလာနေတာ"
"အင်း ခဏနေရင် ရောက်တော့မယ်"

"ဘာပြောတာလဲ Unnie"
"Irene Unnie က ကိုယ့်ကိုတွေ့ချင်လို့တဲ့ ခေါ်ခိုင်းလို့ ဖုန်းဆက်တာတဲ့"

မျက်နှာကို တစ်ဖက်လှည့်ပြီး ပြောနေပေမဲ့ Unnie ငိုနေတယ်ဆိုတာ Chaeသိတယ်။ ဘာတွေဖြစ်နေတာလဲဆိုတာ သေသေချာ‌ချာ မသိပေမဲ့ Unnie နာကျင်နေတာ Jenကြောင့် ဆိုတာသေချာတယ်။

"Unnie ... Jennieနဲ့ တစ်ခုခု ဖြစ်ထားလား "
"မဖြစ်ထားပါဘူး"

မညာနဲ့ ဆိုပြီး အတင်းလှုပ်ယမ်းပြီး မေးပစ်လိုက်ချင်ပေမဲ့ ဘယ်လိုမေးမေးUnnieက အမှန်တိုင်း ပြောမဲ့ပုံမပေါ် ။

"ရောက်ပြီ ကိုယ်ဆင်းတော့မယ်။ Chaeအပြင်မှာပဲစောင့်နေနော်။Chaeသိချင်နေတဲ့ အကြောင်းတွေကို ကိုယ်ပြန်လာရင် ပြောပြပါမယ်"

............

"Jisoo ရောက်လာပြီလား ။ မြန်သားပဲ ကိုယ် မင်းကိုစောင့်နေတာ။ Jenကတော့ အပြင်ကို မုန့်သွားဝယ်တယ် ။ ဒီမှာလာထိုင်"

ဆေးပိုက်တွေကြားက ပြုံးပြီး ပြောလာတဲ့ Irene Unnieကို မြင်ပြန်တော့လည်း ပေါက်ကွဲပစ်မယ်လို့တွေးထားတဲ့ စိတ်ကူးတွေက လေထဲမှာတင် ပျောက်သွား။

"ဘာပြောစရာရှိလို့လဲ Sooကို"

ကုတင်းဘေးက ခုံးမှာ ဝင်ထိုင်ရင်း Irene Unnieကို မကြည့်ပဲမေးလိုက်ခြင်းဖြစ်သည်။