Business Administration major ရဲ့ ပင်မကျောင်းဆောင် အောက်ထပ် hallကြီးထဲမှာ ဖြစ်သည်။ တချို့က တနေရာနဲ့ တနေရာကို သွားလာနေကြသည်။ တချို့ကလည်း သူ့အစုနဲ့ သူ ထိုင်ခုံတွေမှာ ဝိုင်းဖွဲ့ထိုင်နေကြ၏။
အဲ့ဒီ့လို နေရာမှာ စီနီယာကျောင်းသား သုံးယောက်နဲ့ အတူ ထိုင်နေကြတဲ့ ဆီဇာနေရဇ္ဇတို့ အုပ်စု။
"ဒီလကုန်မှာ သွားကြမယ့် Trip မှာ မင်းတို့အုပ်စုရော လိုက်မှာလား မိုင်း ..."
တစ်နှစ် တစ်ခါ မေဂျာက ကျောင်းသားတွေ စုပြီး သွားကြတဲ့ Trip တစ်ခုဖြစ်သည်။ အစီအစဉ်ကို ဦးဆောင်သူတွေကတော့ စီနီယာတွေပါ။ လိုက်ချင်တဲ့သူ လိုက်လို့ရပြီး မအားလပ်တဲ့ သူတွေလည်း မလိုက်ပါဘဲ နေနိုင်၏။ မဖြစ်မနေ သွားစရာ မလိုသော ကျောင်းသားဘဝရဲ့ ခရီးသွားလှုပ်ရှားမှု တစ်ခုဖြစ်သည်။
"ဒီနှစ် ကျွန်တော်တို့ မလိုက်ဖြစ်လောက်ဘူး စီနီယာကိုစိုင်း ..."
ကျောင်းကသွားတဲ့ ခရီးကို မလိုက်ဘဲ သူတို့လေးယောက်ထဲ သပ်သပ်ခရီးထွက်ဖို့ အစထဲက တိုင်ပင်ထားပြီးသားပါ။ ဒါကြောင့်မို့ မိုင်းတစ်ယောက်ပဲ ပြန်ဖြေလိုက်ပြီး ကျန်တဲ့သုံးယောက်ကတော့ ငြိမ်နေကြလျက်။
"အော်..."
စီနီယာတွေက စိတ်အားလျော့သွားတဲ့ ပုံစံမျိုး။ မိုင်းသာ ခရီးကို လိုက်ခဲ့ရင် KS group ရဲ့ စပွန်ဆာကို ရနိုင်ပါ၏။ ခရီးအတွက် ကုန်ကျစရိတ် လည်း သက်သာနိုင်သည်။ ရန်ပုံငွေအများကြီး သုံးစွဲစရာ မလိုပေ။
မိုင်းကလည်း စီနီယာတွေ စိတ်ပျက်သွားတာကို မြင်၏။ ဒါပေမယ့် မသိချင်ယောင် ဆောင်နေလိုက်ပါသည်။ တမင် စပွန်ဆာကြောင့် မလိုက်တာမျိုးတော့ မဟုတ်ပါ။ ကျောင်းသားတွေ အများကြီးနဲ့ ရောထွေးပြီး သွားရတဲ့ ခရီးမျိုးတွေကို သူတို့အုပ်စုက မနှစ်သက်တတ်။ ဒါကြောင့် တခါတလေမှသာ လိုက်ဖြစ်၏။
"ဒီနှစ်ရော ဘယ်ကို သွားဖို့ စီစဉ်ထားတာလဲ ..."
"ဒီနှစ်ကတော့ Trekking ခရီးသွားဖြစ်မယ် ... တောင်ထိပ်မှာ Tentတွေ ထိုးပြီးညအိပ်မယ့် အစီအစဉ်နဲ့ ပျော်ပွဲရွှင်ပွဲ အစီအစဉ်တွေလည်း ပါမယ် ..."
BẠN ĐANG ĐỌC
သဏ္ဍာန်ဆန်း
Lãng mạn(U&Z) သူဟာ အဆုံးမရှိတဲ့ လွတ်လပ်ခြင်းတွေနဲ့ ငါတို့ရဲ့ မနက်ဖြန်တိုင်းကို ပျော်ရွှင်စေတဲ့ သူ ...။ သူက သိပ်ကို ထူးခြားလွန်းတယ် ...။ Boy Love , own story (Started On _ 5/July/ 2020) သူဟာ အဆံုးမရိွတဲ့ လြတ္လပ္ျခင္းေတြနဲ႔ ငါတို႔ရဲ့ မနက္ျဖန္တိုင္းကို ေ...
