"မိုင်း ရပြီ လာစားတော့ ..."
ဧည့်ခန်းထဲမှာ TVထိုင်ကြည့်နေတဲ့ မိုင်းကို ထမင်းစားခန်း ရှေ့မှာလာရပ်ပြီး လှမ်းခေါ်နေသော ဆန်း။
"ဘာစားရမှာလဲ ..."
"မင်းပဲ ဗိုက်ဆာလို့ တစ်ခုခု လုပ်ပေးပါဆို ...အခုရပြီလေ လာစားတော့ ..."
ညနေပိုင်း ကျောင်းကနေ ပြန်လာတော့ လမ်းမှာပဲ ညနေစာကို ဆိုင်တစ်ခုမှာ နှစ်ယောက်သား ဝင်စားဖြစ်ခဲ့ကြသည်။ ည8နာရီ လောက်ကျတော့မှ မိုင်းက ဗိုက်ဆာတယ်ဆိုပြီး ထပ်ပြောလာတာမို့ အခန်းထဲမှာ စာလုပ်နေရင်းနဲ့ သူထလုပ်ပေးရပြန်၏။ သခင်လေးကတော့ ဧည့်ခန်းထဲမှာ TVကြည့်ရင်း စောင့်နေလေရဲ့။
"သိတယ်လေ တစ်ခုခုစားဖို့ ခေါ်တာကို ...ငါပြောတာက ဘာစားရမှာလဲလို့ မေးနေတာ ...မင်းကို တစ်ခုခုချက်ပေးပါလို့ ပြောလိုက်တဲ့ အချိန်နဲ့ ရပြီလို့ မင်းလာခေါ်တဲ့အချိန်က ဘယ်နှမိနစ်မှ မကြာဘူးလေ ...ဒီအချိန် နည်းနည်းလေး အတွင်းမှာ မင်းဘာကို ချက်လိုက်တာလဲ ..."
ဗိုက်ဆာနေတာ မှန်ပေမယ့် ဘာဖြစ်ဖြစ် ပါးစပ်ထဲ ထည့်ချင်တာမျိုးတော့ မဟုတ်။ အဲ့ဒါကြောင့် အရံသင့်စားလို့ရတဲ့ မုန့်တွေကိုတောင် သူယူမစားပေ။ ချက်ပြုတ်ထားတဲ့ တစ်ခုခုကို ဖွယ်ဖွယ်ရာရာလေး စားချင်လို့ ဆန်းကို ခိုင်းမိတာပါ။ ခန့်မှန်းခြေ ဆယ်မိနစ် လောက်လေးနဲ့ ချက်ပြီးသွားတယ်ဆိုတော့ မြန်ဆန်မှုကိုပဲ အသိအမှတ် ပြုရတော့လေမလား။
"ခေါက်ဆွဲပြုတ်လေ ..."
"ဟမ် ...ခေါက်ဆွဲပြုတ် ..."
"အေးလေ မင်းပဲ တစ်ခုခုဆို ..."
"တစ်ခုခု ချက်ပေးခိုင်းတာလေကွာ ...ခေါက်ဆွဲပြုတ်လောက်ကတော့ ငါ့ဘာသာပဲ ထလုပ်တော့မှာပေါ့ ...မင်းကို ခိုင်းနေမလား ..."
"ဘာဖြစ်ဖြစ် စားလို့ရရင် ပြီးရောပေါ့ ..."
"ငါက ဖွယ်ဖွယ်ရာရာလေး ချက်ပြုတ်ထားတာကို စားချင်တာ ...ခေါက်ဆွဲပြုတ် မဟုတ်ဘူး ..."
"ဒီမှာ ဟေ့ကောင် ...မင်းကို ဘုရင့်ပွဲတော်အုပ်လိုမျိုး ငါမချက်ပေးနိုင်ဘူး ...ချက်လည်း မချက်တတ်ဘူး ...အားလည်း မအားဘူး ...ငါစာလုပ်နေတယ် ..."
YOU ARE READING
သဏ္ဍာန်ဆန်း
Romance(U&Z) သူဟာ အဆုံးမရှိတဲ့ လွတ်လပ်ခြင်းတွေနဲ့ ငါတို့ရဲ့ မနက်ဖြန်တိုင်းကို ပျော်ရွှင်စေတဲ့ သူ ...။ သူက သိပ်ကို ထူးခြားလွန်းတယ် ...။ Boy Love , own story (Started On _ 5/July/ 2020) သူဟာ အဆံုးမရိွတဲ့ လြတ္လပ္ျခင္းေတြနဲ႔ ငါတို႔ရဲ့ မနက္ျဖန္တိုင္းကို ေ...
