သူငယ်ချင်းတွေက ကျွန်တော့်ကို ဘာလို့ "မိုင်း" လို့ နာမည်ပေးထားကြလဲ သိလား ...။
"မိုင်း" ဆိုတဲ့အရာက အန္တရာယ် သိပ်ကြီးတဲ့ အရာပဲ ...။
သူ ပေါက်ကွဲပြီ ဆိုရင် ဘယ်အရာ မဆို ပျက်ဆီး လွင့်စင် သွားစေမှာ ...။
ကျွန်တော်က "မိုင်း" နဲ့ တူတယ်တဲ့ ...။
ဒါကြောင့် သူတို့က ဒီလို အမည်နာမကို မှည့်ခေါ်ကြတယ် ...။
အဲ့ဒီ့ နာမည်ကို အိမ်က ပေးထားတဲ့ နာမည်အရင်းထက် ကျွန်တော် ပိုသဘောကျတယ် ...။
ဘာလို့လဲ ဆိုတော့ ကျွန်တော်နဲ့ သိပ်ကို လိုက်ဖက်တယ်လေ ...။
***** ***** ***** ***** *****
လင်းထိန် လှပနေတဲ့ မီးရောင်စုံတွေနဲ့ ပါတီပွဲ ငယ်လေး တစ်ခု။
အဆင့်ဆင့် အထပ်ထပ်နဲ့ ကြီးမား ကျယ်ပြန့် လှပနေတဲ့ ရေကူးကန်ကြီး တစ်ခု။
ပြီးတော့ အဲ့ဒီ့ နေရာမှာ ရှိနေကြတဲ့ လူငါးယောက်။
နှစ်ယောက်က တစ်ယောက်လက်ကို တစ်ယောက် ဆွဲထားကြရဲ့။ ဒါပေမယ့် တယုတယ အနေအထား မျိုးတော့ မဟုတ်ဘူး။ ရေကူးကန် ဘောင် နှုတ်ခမ်းအနားမှာ နောက်ပြန် ယိုင်လဲနေတဲ့ သူအား ကျန်တစ်ယောက်က ပြုတ်မကျ သွားအောင် လှမ်းဆွဲ ထားတာမျိုး။
အနေအထားက တစ်မျိုးတော့ တစ်မျိုး။ ရေထဲ မကျသွားအောင် ပြန်လည် တည့်မတ် ပေး
ရမယ့် အစား နောက်ပြန် ယိုင်လဲနေတဲ့ သူကို ဒီတိုင်း လက်ဆွဲ ထားရုံသာ။ ကျန်တဲ့ သုံးယောက် ကလည်း အနားမှာ ရှိနေကြပေမယ့် ဝင်မကူပေ။ ရပ်၍သာ ကြည့်နေကြသည်။
"မင်းမှာ ရွေးချယ်စရာ နှစ်ခု ရှိတယ် ..."
လက်ဆွဲထားတဲ့ သူက ရေကန်ဘက် နောက်ပြန် ယိုင်လဲနေတဲ့ သူကို ကြည့်ပြီး ပြောလိုက်တာပဲ ဖြစ်သည်။ ပြောလိုက်တဲ့ လေသံနဲ့ မျက်နှာ အမူအရာက ဘာကိုမှ ဂရုမစိုက်ဘဲ အရွဲ့တိုက်ချင်နေတာ သိသာလျက်။
"ငါနဲ့ တွဲမလား ... ဒါမှမဟုတ် ငါတို့ အဖွဲ့ထဲကို ဝင်မလား ..."
အမေးခံ လိုက်ရတဲ့ တစ်ယောက်က မကျေမနပ် အကြည့် တစ်ချက်နဲ့ အံကြိတ်လိုက်ပြီး ...။
"တစ်ခုမှ မရွေးနိုင်ဘူး ..."
ပြန်ဖြေပုံက တိတိကျကျ။ သူ့အဖြေကို ကြားတော့ လက်ဆွဲထားသူက မျက်ခုံး နှစ်ဖက် ခပ်ပါးပါးလေး စုကျုံ့လိုက်ပြီး စိုက်ကြည့်နေ၏။
ESTÁS LEYENDO
သဏ္ဍာန်ဆန်း
Romance(U&Z) သူဟာ အဆုံးမရှိတဲ့ လွတ်လပ်ခြင်းတွေနဲ့ ငါတို့ရဲ့ မနက်ဖြန်တိုင်းကို ပျော်ရွှင်စေတဲ့ သူ ...။ သူက သိပ်ကို ထူးခြားလွန်းတယ် ...။ Boy Love , own story (Started On _ 5/July/ 2020) သူဟာ အဆံုးမရိွတဲ့ လြတ္လပ္ျခင္းေတြနဲ႔ ငါတို႔ရဲ့ မနက္ျဖန္တိုင္းကို ေ...
