ملاك

التاسع

دفعته بحده وهي تحاول السيطره علي أنفاسها و مشاعرها هتفت باندفاع ووجهها انقلب احمراً تحاول اخفاء سعادتها و شوقها
- انت ازاي تعمل كده انت اتجننت 

تحدث و هو يتأملها  باستمتاع
- عملت ايه
ضربته مره اخري علي صدره فلم يتحرك اثر ضربها نظرا لقوته
- كمان عامل نفسك مش عارف

أعاد خصله شعرها خلف أذنها وهمس بتسليه
- لا يا ملاكي مش عارف
صاحت بانفعال
- متقولش ملاكي و لعلمك بقي انا هروح احط الروچ اللي مسحتهولي ووريني بقي هتعملي ايه

نظر إليها بحده قائلا
- طب اعمليها يا ملاك و ساعتها بقي همسحه بشفايفي مش بالمنديل و وريني بقي انتي هتعملي ايه

ازداد احمرار وجهها من الخجل و صاحت بانفعال
- تصدق انك مش محترم
- انا قولت اللي عندي و دلوقتي تتفضلي معايا زي الشاطره كده الحفله و خليها تعدي علي خير احسنلك

- بقولك ايه متهددنيش
- انا مبهددش أنا بنفذ و تفضلي ف نفس الترابيزه اللي انا فيها عشان مرتكبش جريمه بسبب الفستان بتاعك ده

صاحت بعصبيه
- اياد انت ملكش حكم عليا خلي بالك و خليك ف مراتك

عند صهيب كان ينظر لماريه ببرود بينما صاحت هي قائله
- انت ايه اللي جابك هنا .. عايز ايه
- انا جاي شغل انتي متعصبه كده ليه
- شغل! هنكدب علي بعض!
- انتي مش واخده بالك اصل انا صاحب الشركه اللي اياد هيوقع معاها العقود النهارده -همس باذنها- يعني هنتقابل كتير الايام اللي جايه

التفت و هو يبحث عن اياد الذي رآه و هو يتحدث مع ملاك ابتسم بشر و خبث فمن الواضح أن ملاك مهمه عند اياد و هذه هي مهمته القادمه سيستغل هذه النقطه جيدا و سيلعب عليها نظرت إليه ماريه بشك قائله
- مش مرتحالك و خلي بالك أن عيني هتبقي عليك.

ضحك بسخريه
- لا تصدقي خوفت 
نظر لملاك التي عادت إليهم قائلا و هو يمسك يدها
- تعالي اعرفك علي حد

نظرت بدون شعور لاياد الذي ينظر إليها بتحذير قائله بهمس لم يسمعه غير صهيب
- عايزه امشي.

مال عليها و همس بأذنها
- نص ساعه وهنمشي

اومأت له في صمت بينما نظر هو لاياد الذي ينظر إليه نظرات حاده
- ازيك يا اياد بيه

هتف اياد ببرود

- اهلا .. احنا نعرف بعض؟
- انا صهيب السيوفي صاحب شركه السيوفي اللي داخله شريكه ف المشروع ده -نظر الي ماريه قائلا- بس المدام تعرفني كويس. .. يلا يا ملاك .. عن اذنك يا اياد بيه

امسك يد ملاك و اتجه بها لأحد رجال الاعمال يعرفها عليهم تحت انظار اياد الذي يحاول تمالك أعصابه التفت إلي ماريه بحده قائلا
- يقصد ايه بكلامه انك تعرفيه كويس !