عانت في حياتها دائما بمنزل والديها تحملت اهانه و ضرب و عذاب صمتت و لم تعترض و لكن عندما توفت والدتها لم يهمها أحد ولا شيء .. عندما وصل الأمر للشك و الاتهام في شرفها لم تصمت و كانت ستفقد حياتها و روحها بين يديه بين يد ابيها! و لكنه كان مثل الفارس ذو...
نهضت بانفعال فشدت ملاك علي يده نظر إليها يطمأنها بينما صاحت ايمان بغضب - مراتك ايه ! انت هتجيب اي واحده من الشارع و تقولي مراتك ايه يا اياد انت اتهبلت هو اياد الدمنهوري هيتجوز اي حد ولا ايه لا و كمان من غير ما تعمل ولا خطوبه ولا فرح يليق بيك ايه غلطت معاها و بتصلح غلطتك!
صاحت بسخريه بينما صرخ بغضب جعلها تصمت بينما كانت تقف هنا بخوف من صراخه وملاك متمسكه به و تحاول منع ارتجافها - بببسسس متكمليش اياكي اسمعك بتتكلمي عنها كده مره تانيه مراتي كرامتها من كرامتي و مش هسمح لاي حد مهما كان مين يقلل منها دي حاجه تاني حاجه بقي انا مش متجوز اي حد انا اتجوزت البنت اللي انا اخترتها و قلبي و عقلي مختارينها يعني رايك أو رأي غيرك ولا يفرق معايا كفايه اني راضي و اقسملك بالله لو عرفت ان في حد ضايقها بكلمه مش هسكت مهما كان مين
غادر متجها لغرفته وهو يسحبها معه دخلوا الغرفه نظرت إليه و بدون شعور ارتمت باحضانه قبل راسها هامسا - متخافيش من حاجه طول منا معاكي
همست وهي تحتضنه أكثر - شكرا يا اياد
أبعدها ونظر إلي عيناها قائلا - مش عايز اسمعك بتشكريني علي حاجه من واجبي اني اعملها و مش عايزك تخافي من حد ولا اي حاجه طول منا جنبك
ابتسمت بامتنان فقبل وجنتيها وهمس - يلا غيري وانا هخليهم يبعتولنا الاكل علي هنا - حاضر
خرج و اتجه للاسفل وجد هنا تجلس علي هاتفها نظرت إليه قائله بتوتر فهي مهما كان تخافه عندما يغضب - مبروك يا اياد. - الله يبارك فيكي.
صاح ينادي علي سعاد التي أتت مسرعه نظر إليها قائلا - الاكل خلص ؟ - اه يا فندم - طلعيه الاوضه فوق - تحت امرك اتجه للمكتب بينما نظرت ايمان لابنتها قائله - شايفه بيعاملها معامله ملوك و تلاقيها عجبته و قال يتسلي شويه
نهضت هنا بملل قائله - والنبي ابعديني عن حواراتكوا دي اهي اي حاجه تلهيه عني عشان اخرج براحتي
