ملاك

الثالث عشر

- انتي اتجننتي ازاي تتكلمي معايا بالطريقه دي.

تنهدت ملاك قائله
- انا مقولتش غير الحقيقه عن اذنك هطلع ارتاح.

صعدت لغرفتها و تركت ايمان تتاكل من الغضب
            

بشركه اياد نهض عندما دخل مازن مسرعا وركض ناحيته احتضنه بشده قائلا
- يا ابن الايه وحشتني
- وانت كمان ياميزو
- لا ماهو واضح بتكلمني بالقطاره
- غصب عني والله انشغلت
- عامل ايه
- اتجوزت

نظر إليه مازن بصدمه
- انت بتهزر
- لا مبهزرش اتجوزت اول امبارح
- ازاي يعني. انت مكنتش ناوي ترتبط ولا تحب بعد ماريه
- اهو اللي حصل
- مين بقي
- ملاك

قاطعهم طرق الباب فسمح بالدخول دخلت لين بلهفه دون أن تنتبه علي مازن الجالس قائله
- مستر اياد حمدالله عالسلامه متعرفش اخبار ملاك ايه.

ضحك مازن علي لهفتها و استعجالها فنظرت إليه و همست
- ايه

نظر إليها بنفس الهمس
- ايه

ابتسم اياد قائلا
- منفعله زي صاحبتك

حكت رقبتها بإحراج
- لا مش قصدي بس من ساعه ما سافرت مع حضرتك وانا معرفش عنها حاجه و مش بتكلمني و

قاطعها مازن قائلا بمرح
- خدي نفسك طيب اياد مش هيطير

نظرت إليه بطرف عيناها ثم التفتت لاياد الذي هتف ضاحكا
- متخافيش هي كويسه وانا هخليها تكلمك
- هي رجعت؟
- اه رجعت
- طب مش هترجع الشغل

انزعج اياد من هذه الفكره التي لم تتحدث بها ملاك حتي الآن فبعد أن أصبحت زوجته لا يريدها أن تعمل
- مش عارف لسه

نظرت له باستغراب ثم تحدثت قائله
- طيب عن اذنك و اسفه عطلتك
- لا مفيش حاجه

خرجت فنهض مازن قائلا
- دقيقه و راجع

خرج ورائها أوقفها قائلا
- يا ست الحجه
- عايز ايه
- رايحه فين.
- هروح مكتبي يعني هروح فين
- متبقيش تخشي تاني كده مكتب اياد ها
- وانت مالك مش فاهمه
- لين متستهبليش انتي كنتي واقفه تتكلمي كأنه واحد صاحبك مش المدير ولا هامك اني قاعد
- مكنش ف مخي كل ده انا اسفه
- طب خلي بالك بقي عشان بغير