نظر إليها و هتف مدافعا عن نفسه
- انا عملت كده عشانك
ضحكت بسخرية قائله بصوت مرتفع
- عشاني! لا ياشيخ! اشترتني و حسستني اني ولا حاجه و تقولي عشانك !
- ملاك اهدي وانا هفهمك كل حاجه
صاحت ببكاء
- تفهمني ايه! ده انا حاسه اني صغرت قدام نفسي رخصت نفسي و كل ده عشان ايه عشان اشتغل! الشغل اللي كان غصب عني اصلا!
تنهد واقترب منها غير مبالي لصراخها
- متقربش
اقترب و حاوط وجهها بيديه وهو يمسح دموعها قائلا
- وحياتك انا عملت كده عشانك .. عشان انا شوفته وهو بيضربك يوم ما كنتي معايا يا ملاك.
نظرت إلي عينيه و هي تشعر بالخزي فأكمل قائلا
- نسيتي محفظتك ف العربيه وانا طلعت وراكي عشان اديهالك كنت واقف تحت معرفش انتي ف انهي دور و طلعت الموبايل عشان اكلمك بس سمعت حد بيصرخ و لما دققت ف الصوت عرفت انها انتي طلعت جري الباب تقريبا نسيتوا تقفلوه ف شوفت كل حاجه ولما عرفت أنه هو اللي قتل مامتك وقتها ده كان الحل الوحيد اللي اقدر ابعدك بيه عنه انك تكوني في محافظه تانيه بعيد عنه انا مكنتش بفكر اني ادفع فلوس عشان اخدك انا كان ممكن اخدك غصب عنه و من غير ما يفتح بوقه بكلمه بس محبتش اعمل كده عشان عارف أنه مكنش هيسيبك ف حالك انا مجيبتش سيره فلوس كل اللي قولته اني هاخدك معايا الفرع و هو هيوافق غصب عنه هو اللي طلب قالي تدفع كام وانا هزقته و كنت همد ايدي عليه بس مرضتش عشان ف الاول و الاخر باباكي مع أنه يستاهل القتل مش الضرب و ملقتش حل قدامي غير اني ادفعله عشان يبعد عنك مش عشان اشتريكي زي ما بتقولي.
نظرت إليه و بكت من كلامه كيف لرجل مثله يكون بكل هذه الصفات تحدثت بصوت متقطع
- انا .. اسفه .. بجد .. انا
قاطعها قائلا و هو يمسح دموعها
- هششششش خلينا بقي نقفل صفحه القاهره دي خالص و نبدأ هنا
اومأت له بابتسامه وهي تنظر لعيناه فأكمل قائلا
- ملاك انتي هنا ملكيش حد غيري و اوعدك اني دايما هكون جنبك بس انا عايزك تبني نفسك بتقولي انك اشتغلتي غصب عنك لو مش عايزه تشتغلي متشتغليش انتي هنا محدش هيتحكم فيكي ولا هيجي جنبك و اللي نفسك فيه اعمليه
هتفت بخجل
- مكنتش قصدي
ابتسم ونظر إليها قائلا بمرح
- بقولك ايه ما تيجي نفكس للشغل النهارده و نقضي اليوم سوا
- ازاي يعني.
امسك يدها و هو يخرج للخارج قائلا
- كده
خرجوا من الشركه فضحكت قائله
- هو انت مجنون؟
ابتسم ونظر إلى عيناها قائلا
- بيقولوا
ابتسمت و مشت بجواره و هو مازال ممسك يدها
- ها تحبي تأكلي فين
لفت انتباهها مطعم هتفت وهي تشير عليه
- بص ده شكله حلو
- يلا نجربه
اتجهوا للمطعم فتوجه بهم النادل الي غرفه خاصه مطله علي البحر بهم فهذا المطعم ينقسم الي غرف داخليه خاصه لكل فرد حتي يكون هناك خصوصيه أكثر خرج و اغلق الباب بعدما أخذ طلبهم نظرت حولها و تأملت المكان المكون من اريكتين وطاولة فوقها ورد و شموع و يوجد نافذه كبيره جدا خلفها البحر ابتسمت و التفتت إليه
- بعرف اختار
أنت تقرأ
ملاك
Romanceعانت في حياتها دائما بمنزل والديها تحملت اهانه و ضرب و عذاب صمتت و لم تعترض و لكن عندما توفت والدتها لم يهمها أحد ولا شيء .. عندما وصل الأمر للشك و الاتهام في شرفها لم تصمت و كانت ستفقد حياتها و روحها بين يديه بين يد ابيها! و لكنه كان مثل الفارس ذو...
