احمرت عيناه بغضب وهمس قائلا
- صهيب .. موتك علي ايدي.
التفت إلي اكرم صائحا بغضب
- انا عايز اوصل للممرضه اللي عملت كده
أومأ له أكرم قائلا
- هشوف كل اللي دخل الاوضه و اقولك.
- شوف اي كاميرات مراقبه .. جيب كل الممرضين اتصرف يا اكرم.
أومأ له أكرم و خرج من الغرفه بينما. ابتسمت هنا بسخريه وهي تنظر إلى اياد بعتاب و خيبه امل ثم اقتربت من أبيها أمسكت يده قبلتها قائله
- حمدالله عالسلامه يا بابي.
ابتسم و ربت علي شعرها برفق قائلا
- الله يسلمك يا حبيبتي.
نظرت إليه قائله
- انا مسافره يا بابي.
التفت الجميع إليها نظر إليها اياد بندم بينما شعر معتز بالخوف .. هل سيفقدها! هل هذا ما تقصده بأن كل شيء سيتغير! نظر إليها نعم هي جاده ستذهب .. ستذهب و تتركه بدونها بعدما أصبحت كل عالمه.
هتف والدها قائلا
- ليه يابنتي بس هتروحي فين.
نظرت إليه قائله بهدوء
- امريكا هكمل دراسه هناك و هخلص و اشوف شغل هناك هعيش هناك يعني.
- ليه يا هنا ما اهلك هنا و صحابك والشركه موجوده اشتغلي فيها
هتفت قائله
- معلش يا بابا .. انا كنت قاعده بس لحد ما تفوق و ترجع بالسلامه و اول ما عرفت أن انت فوقت حجزت الطياره و طيارتي كمان ساعتين .. صدقني يا بابا وجودي هنا ملوش فايده وانا في كل الأحوال مش هشتغل في شركتنا .. و طلاما انت بخير و بقيت كويس فخلاص مش محتاجه حاجه تاني .. كفايه اياد جنبك.
قبلت رأسه قائله
- خلي بالك من نفسك وانا هتصل بيك دايما
تنهد بعجز قائلا
- طلاما انتي حابه كده يبقي ربنا معاكي
اومأت له و سلمت علي ملاك و خرجت فخرج معتز خلفها بينما هتفت ملاك بالداخل
- اياد انت هتسيبها تمشي .. روح صالحها و امنعها بسرعه
زفر بضيق و خرج مسرعا خلفها هتف بصوت مرتفع
- هنا استني
التفت إليه معتز و توقفت هنا متجهه إليه
- خير ! ايه عايز تتهمني بحاجه تانيه؟
- هنا اسمعيني
صاحت بغضب قائله
- اسمعك ليه ! هو انت كنت سمعتني! صدقتني! لا .. يبقي متستحقش اني اضيع لحظه واحده عشانك او عشان اسمعك فيها .. انا عملت كل حاجه عشان بس تكون كويس معايا و قريب مني بس انت ولا فرق معاك ولا اهتميت ف اول ازمه اتهمتني انا .. زي ما اتهمتني قبل كده في موضوع الصور أن انا اللي مش محترمه .. انت دايما واخد اهتمام و حب بابا مستكتر عليا مره واحده اكون قريبه منه! بتتهمني انا بنته و اختك بتتهمني أن انا عايزه اقتله .. للاسف يوم ما قولتلي انك اسف و انك هتسمعني كنت غلطان .. عمرك ما هتكون قريب مني و عمرك ما هتسمعني... انا كده كده سايبالك البلد كلها و ماشيه .. بس ابقي دور كويس و شوف مين عدوك لدرجه انه يقتل ابوك.
أنت تقرأ
ملاك
Romantizmعانت في حياتها دائما بمنزل والديها تحملت اهانه و ضرب و عذاب صمتت و لم تعترض و لكن عندما توفت والدتها لم يهمها أحد ولا شيء .. عندما وصل الأمر للشك و الاتهام في شرفها لم تصمت و كانت ستفقد حياتها و روحها بين يديه بين يد ابيها! و لكنه كان مثل الفارس ذو...
