ملاك

الحادي عشر

نظرت إليه قائله بحده
- انت مرجعتش البيت امبارح ليه ! بتعمل ايه هنا يا اياد.!

نظر إليها ببرود قائلا
- ايه يا ماريه ده بيتي يعني اجي فيه براحتي مش هاخد منك اذن عشان ابات هنا.

ضحكت بسخريه
- طب حاسب دخلني

تنهد بملل
- عايزه ايه يا ماريه عالصبح

كانت ستتحدث ولكن خرجت ملاك من الغرفه كانت تنتظر مثلما أخبرها ولكن عندما تأخر شعرت بالقلق وهي تستمع لهمهمات بالخارج لم يهمها اي شيء فقط تريد معرفه ماذا يحدث
تسمرت ماريه مكانها عندما راتها تخرج من الغرفه وهي ترتدي قميصه و واضح انها كانت نائمه هتفت بصدمه مصطنعه
- انت بتخوني يا اياد

نظر اليها ببرود قاتل قائلا
- بخونك ايه انتي هبله

اقتربت من ملاك بحده و صاحت بانفعال
- تصدقي مكنتش اعرف انك بالقرف ده ياشيخه ده انا اعتبرتك صحبتي اجي الاقيكي في بيت جوزي لابسه لبسه طب خلي عندك دم ده انتي طلعتي مقرفه

رفعت يدها لتصفعها ولكن أوقفها اياد الذي امسك يدها بقوه و صاح بصوت قوي
- ماااريييه

نظرت إليه باستحقار
- ايه خايف علي مشاعرها اوي كده

جز علي أسنانه بغضب و صرخ قائلا
- اقسم بالله كلمه كمان وهكون رامي عليكي اليمين
- انت بتهددني يا اياد عشان دي!
- اتكلمي عنها عدل احسنلك و دي تبقي مراتي

نظرت إليه بتمثيل و دموع تماسيح
- انت اتجوزت عليا! اتجوزت عليا البتاعه دي

دخلت ملاك الغرفه مسرعه وهي  تمنع دموعها وجدت كيس به فستان و حذاء رياضي كان اياد قد أمر أحد حراسه أن يشتريه لها ارتدته بسرعه و اخذت اغراضها واتجهت للخارج وهي تستمع لكلامهم

صاح بغضب و عصبيه شديده
- ماريه لاخر مره هقولك احترمي نفسك دي مراتي

صاحت بغضب مماثل
- مفيش واحده  غيري مراتك انت سامع انا سيبت الدنيا كلها و جيت وراك وقفت ضد مامتي و ضد الكل عشان اكون معاك وانت في الاخر تتجوز دي تتجوز عليا؟ انا حب حياتك و مش هتكون لغيري يا اياد ده علي جثتي.
- ماريه متجننينيش عليكي انتي اصلا مش فاهمه حاجه و خلاص متزوديهاش بقي بكلامك ده انتي جيتي عشان تتحامي فيا عشان خوفتي زي ما خوفتي قبل كده ومشيتي و سيبتيني
- طلقها

هتفت ماريه بصرامه بينما تعالي غضب اياد وهتف بصرامه و اصرار
- مش هطلقها يا ماريه
- وانا مش هقعد معاك لحظه واحده طول ماهي علي ذمتك

هتف بتحذير و حده
- انا مبيتلويش دراعي 
- يبقي تختار يا اياد يا انا يا هي

خرجت ملاك وهي تقاوم دموعها قائله
- ملوش داعي انا كده كده ماشيه و متخافيش ده جواز علي ورق بس