မာယာကင္းမဲ့ဇုန္ ( မာယာကင်းမဲ့ဇုန် )Complete ( Z+U )

Episode ( 41 ) Unicode

မာယာကင်းမဲ့ဇုန်
...........................  အပိုင်း - ( ၄၁ )

''အကို သက်သာရဲ့လား ... နေရထိုင်ရတာ သက်သောင့်သက်သာဖြစ်ရဲ့လားဟင်´´

                                    ကုတင်လေးမှာ ခွေခွေလေး လေးလျှောင်းနေတာ
ကညီထွေးပါ။ အသံကြားကြားချင်း ညီထွေးက လဲလျှောင်းနေတာကနေပြီး မတ်
တတ်လေးရပ်ဖို့ကြိုးစားလိုက်တော့...။

''မထပါနဲ့ အကို ၊ လဲနေပါ ...´´

                               ညီထွေးထရပ်ဖို့ကြိုးစားတာမြင်တော့ သီရိက ဟန့်
တားလိုက်ပြီး သူမလည်း ကုတင်ဘေးနားက ခုံလေးမှာဝင်ထိုင်သည်။

''အဆင်ပြေပါတယ် ညီမလေး ...´´
''အချိန်နည်းနည်းလောက်ပေးပြီးရင် အကို့မျက်လုံးပြန်မြင်ရတော့မှာပါနော်´´
''ညီမလေး...´´
''ပြောလေအကို´´

                       သူမက စေ့စေ့လေးကြည့်သည်။

''အကို့ ဆီကို တစ်ယောက်လည်း မရောက်လာကြသေးဘူး၊ ဘာတွေဖြစ်နေကြတာ
လဲဟင်´´

                       ညီထွေးက မိသားစု ၊ အပေါင်းအသင်းသူငယ်ချင်းတွေကိုမေး
နေပုံရသည်။

''အကိုရယ် ... အန်တီအခုလေးတင်ပဲ ပြန်သွားတာပါ၊ ပြီးတော့ ကိုကိုလည်း မနေ့က
ညီထွေး အိုပရေးရှင်းဝင်နေချိန် တစ်ချိန်လုံးရှိနေပါတယ်။ အကို့သူငယ်ချင်းတွေ
လည်း အကို့အကြောင်းကို မကြားသေးလို့နေမှာပါ´´
''သြော် ... မေမေ ရောက်လာတယ်တဲ့လား´´

                          ညီထွေးက သိချင်တာလေးသိလိုက်ရတော့ စိတ်ကပေါ့ပါး
သွားရသည့်နှယ်နှင့် ငြိမ်သက်၏။

''ကိုရဲ ကောဟင် ... ကိုရဲ ရောက်လာသေးလား ညီမလေး´´

                           ဟင်.....,,,,

                           စိတ်ထဲမှာ ချက်ချင်းပဲ အဖြေရခက်သွားသည်။ ဒီတော့သူမ
က ညီထွေးမေးတဲ့စကားကို ဘယ်လိုဘယ်ပုံမျိုးနဲ့ဖြေရကောင်းမှန်းမသိ။ တစ်ဖက်က
ကိုရဲ သေဆုံးမှုနဲ့ အပူမီးတွေလောင်မြိုက်နေတာကို ညီထွေးကို မသိစေပဲ ဒီအတိုင်းစ
ကားကို ဖြေသိမ့်လွှဲပြောင်းပြောပေးနေပြီးခါမှ ညီထွေးက ကိုရဲ အကြောင်းကို ဒဲ့ပဲ
မေးလာသည်။