#ماذنبي بكل ماحصل
#بقلمي كاتبهanoo
___________________
تهون__شما__طفح
ميزانها_____تهون✏
______________________
احب اعرف عن نفسي اسمي (هيلة) طالبة ثالث متوسط مواصفاتي بشرتي حنطاويه داكنه عيوني واسعه طولي 158 وملامحي طفوليه ابد مو يم عمري😂 شعري اسود قصيرر حد كتفي جانت ماما دائما تكصه ماحبه طويل يتعب وطبعا ماعرف ع منو طالعه من اهلي بظبط
ساكنة وي عائلتي المتكونة من ماما وبابا واختي الجبيرة (رونق) صف سادس عام واني واخويا الازغر مني (اكرم) صف اول ابتدائي وبزر الكعدة (سيف)
ساكنين ببيت زغير ونوعا ماا قديم بمنطقة الحي/بواسط
البيت جان عبارة عن غرفه نوم لماما وبابا وسيف
وهول زغير ومطبخ وحمام
كل اكلنة ونومنة وكعدتنة ودراستنة اني واخواني بلهول
والدي كان كاسب ميشتغل مخلص كل وقتة يشتري طيور ويطير ويبيع (مطييرجي)
وماما جان عدهه مكينة خياطة زغيرة تخيط ملابس للنسوان بأجور بسيطة حتة تصرف علبيت وتلبي احتياجات دراستنة
وجانت غاسلة ايدهه من بابا متترجة منة شي علگولتهة (22 سنة ماتغير طبعه تردو يتغير هسة)
فاعتمدت علة الله وعلة نفسهه وكدرت توصلنة لهلمستوة وكدرت تعيشنة بستر
من وعينة علدنية لحدما وصلنة لهلعمر واحنة نشوف بابا وماما 24 ساعه مشاكل بحيث تعودنة وصرنة نستغرب بيوم اللي ميتعاركون
ومخلصيهة هيج وياهم تحت رحمة الله ..
واسط/ قضاء الحي الساعة 7:30 صباحاً
كـ العادة نايمة بلهول منطية ضهري للحايط واكرم نايم بيني وبين رونق
انفتح باب الهول الداخلي بقوة
بابا :يلا خاتونات شوكت تولن للمدرسة الساعه راح تصير 8 لو بس فالحات مشغلات الضوة الليل كله تقرن وضواجن صاد بعينة مايخلينة ننخمد ساعه زمان مثل البشر
هيلة: صار بابا گعدنة بس نصي صوتك لا يفز سيوفي شيسكتة من الصبح خل امي تگضيلهه جم شغلة مادامة نايم
بابا: نامت عليكم وصلة كاع انتي ويا هوة انتم بس اكل ونوم بهاذ البيت واكلان تبن(دراسة) مادري شتريد تصيرون بهلبلد الجايف
غمضت عيوني وانتهضت گعدت علفراشي واني ساكتة ماردت اجادلة من الصبح وتگب مشكلة لان الجدال والنقاش ويا نهايتهن وحدة
لو يضرب امي ويضل يعير بيهه لو يضربنة ويضل يفشر علينة اني واختي
رونق رفعت راسهة من فراشهة
رونق: يابة ترة هاي مو وضعية العالم تصبح بواحد يكلهه صباح الخير واحنة نصبح بيك تهلهل علروسنة ليل نهار بسبب وبدون سبب كافي ماعندك احساس انتة
بابا هم رجلة عليهه دنگ عليهه كمشهه من شعرهه وهية بعدهه عيونهه نص مغمضه ونص مفتحة
أنت تقرأ
ماذنبي بكل ماحصل
General Fictionقصه حقيقه تتحدث عن فتاه كانت ضحيه افعال وسمعت ابيها وسمعت اختها الام معيله والاخوه صغار لاحول لهم تابعوني لنعرف ماذا حصل وماذا جرت من احداث بهذا القصه......؟
