ماذنبي بكل ماحصل

بارت 21

#ماذنبي بكل ماحصل

#بقلمي anoo
مساااااء الورد
بارت طويل لعيونكم

هيله: مقتنعة بلسويتي ؟
الام : وهسة موكفتني علمود هاي ؟.اكول فرحي بعرسج وعيشي حياتج وكافي عايشة بعالم التمعشگ ، ولا عبالج ماشفت مساع بلزفة !! ترا كلشي شفت
هيله :وششفتي !؟
الام :عبالج ماشفت روميو راكب دراجتة ويحوم وي الزفة؟.واني هسة بس ارجع ويطلع الصبح الة اروحلة امسح بي الگاع ، ماعوزي مشاكل وسمعه اني ،
هيله : يعني شفتي وهوة جاي ورة الزفة موو ؟.گلبيش عندج انتي ! مو عندج ولد ما تخافين باجر عكبة ينكسر كلبة هيج !
الام: شوفي هيله ، راح انزل هسة بسس قسماً ب الله العظيم اذا ما عديتي هاي الليلة على سلام اجرم بيج ،
هيله :اعديهة ،بس بروح امج وابوج لتروحيلة ولتحاجينة على شي ،
حجيت هيج وجلبت بايدهه وبجيت ، جوت ايدهه مني وطلعت وطبگت الباب وراهه ، كمت ردت الحك بيهه مالحكت !

رجعت كعدت ع الجرباية واني احاول ما ابجي ، كافي علية الجفصة الجفصتهه كدام قحطان بلسيارة ، حرام علية ادك وانوح بعد واني صرت مرة متزوجة ، بس شسوي كلة مو بايدي الجاي يصير ،
سمعت صوت اغاني وهلاهل يم الباب عرفت زفو قحطان ، مسحت دموعي ع السريع وكعدت عدل ، انفتحت الباب وفات هوة لابس قاط نيلي وقميص ابيض ورباط احمر ،
قحطان ; السلام عليكم
هيله :وعليكم السلام
تقرب وكعد بصفي ع الجرباية واول ماكعد جر حسرة ، عرفت الصار بعدة ببالة ،
قحطان : ليش قبلتي بية وببالج احد ؟
جريت نفس وماكدرت انطق الحرف من الخنكة وهوة مخلي ادي بين رجلي ومدنك ،
قحطان : جاوبيني
هيل : امي جبرتني
قحطان :ليش ؟
دنكت وبجيت ماكدرت احجي حرف لاخ
قحطان :عوفي البجي جاوبيني ليش جبرتج علية ؟
هيله :انتة اول واحد دك الباب ورة مسلم وانطتنياك حتى متنطيني الة.

قحطان :تقدملج هوة ؟
هزيت راسي وجريت حسسرة من گلبي
هيله :ااااي
قحطان :ليش امج ما وافقت بي ؟
هيله :اخرس
قحطان :منوو!
هيله :هووة
قحطان : ما انطتج الة لان اخرس ؟
هزيت راسي بمعنى اييي
قحطان :تدري بيج تحبي ؟
هيله :ايييي
دنگ راسة اكثر وجر حسسرة وخله ادي على وجهه ويفرك بگصتة ، حسيت بي توتر
واني من الضنكة الصرت بيهه دموعي كام تنزل عشرة عشرة بلا صووت
قحطان : تحبي !
هيله : هواااي
حجيت هلكلمة ورفعت راسي بوجهة ، بقة يباوع بعيوني المليانة دموع
من باب اخر
قحطان :
اني قحطان عمري 22 سنة خريج معهد تجارة ، اصلي من مركز واسط وانتقلنا لقضاء الحي ، والدتي من الغربية ، ووالدي شهيد ، عندي اخ واحد ازغر مني عمرة 20 واخت 19 ،
اشتغل بنقل البضائع من بغداد لانحاء واسط وامكانيتنة خير من الله والحمد لله ، جنت شايل فكرة الزواج من بالي نهائي بس والدتي بدت تلح بهلشي تگول اريد طفل يملي علية البيت ، وماجان عندي وحدة ببالي مخلص حياتي شغل وبيت ، گلت للوالدة تشوفلي علة ذوقهه ، بشرتني لاكيتلي بنية بت حلال ودارسة وحلوة وما اعترضت علة شي ،
وبلخطوبة من شفت البنية اقتنعت بيهة والحمد لله واسم على مسمى (هيله ) بنية حلوة ومرتبة ،
بس الشي الصدمني وجان بمثابة صدمة عمري ، هوة بجيهة بسيارة الزفة ، والشي الاكتشفتة بوقت متأخر (مغصوبة علية) والجملة الخربطت كل فرحتي وبالي (ذاك حلمي الما تحقق ) ،
ليش الام تحمل ذنب وخطية بشر وتحكم علي يعيش حياة ويعيش بمكان مو رغبتة ..! شنو الذنب الارتكبتة هية بحياتهة ! وشنو الذنب الارتكبتة اني حتى اكتشف كل هلشي بعد فوات الاوان ..
هيله :
بقة يباوع بعيوني ، وعيونة تروح من عين وتجي من عين ،
قحطان : شكد صارلج تحبي ؟
هيله :3 سنوات
قحطان : تعب 3 سنوات ويضيع باسبوعين ! الله يعين كلبة ،
حجة هلجملة وجر حسسرة احسهه من گلبة ، ماحجيت شي بس دنگت
قحطان : هيل
هيله :ها
قحطان : اطلكج وتاخذي !؟
باوعت بعيونة واني عيوني تفيض ،
هيله :امي تگلي احرگج وما اطيج الة ،
قحطان : بس لا تبجين
هوة كال لا تبجين واني نهاريت بجي ، هوة واكف واني عل جرباية كاعدة جلبت بايدة
هيله : شلوون ما ابجي بس فهمني ،والله العضيم جاي اموت محد يحس بية، والله ما غلطانة بحياتي وي امي وما يوم كسرت بيهه كدام احد وكسرت بية ، ماغلطت ويااا والله 3 سنوات لمس مالمسني وما اختلينة ولا طلب مني شي ..
احجي واني مجلبة بيدة وماعرف شحجي كمت اجيب واحط وهوة مدنك علكاع ما يباوع بوجهي ،
هيله : تگلي بس تطلكين مستعدة احرگج وماعوفج يمي بلبيت ، والله شبعتني ضرب وكتل كبل العرس ، والله مالي ذنب بشي اني ،