ماذنبي بكل ماحصل

بارت34

#ماذنبي بكل ماحصل

#بقلمي anoo wisam
مسلم 👇
.
تهون__شما__طفح
ميزانها_____تهون✏

____________

الشيخ : والدتك مسوالهة مو بس هذا العمل ، مسقية باكثر من عمل وحالتهة صعبة ، تحتاج وقت طويل للشفاء من هذه الاعمال ، واكو هواية اعمال مدفونة بهذا البيت ، المكان كلة نجس ،
الكل بقة واكف ومصدوم من الشي السمعو ، مجرد نزل الشيخ صعدلي هشام يركض واني جنت مستعجلة انزل من الدرج لاكاني عل درج ،

هشام : ولججج كحبة بربووك بشنو قصصرت وياج امييي ، وبشنو قصرت وياج اني وهيج تسوين بينه
لزمني من شعري ويهز بية واعيط وهداوي صعددت على عياطي ،
هداوي : عزززة العزززاك لتوكعهه من الدرج شكووو شصااير

هشام : هاااي الكحبة مسوية سحر لامي تريد تموتهة ، ولج بربوووك تكعدين تدارين بيهه شنو هلصلافه العدج تكتلين المكتول وتمشين بجنازتة ،

رونق : عووووفني والله مو اني واللله ماسويت شي ،
هداوي : عوووفهة هشام شبيك تخبلت تتهم مرتك هيج اتهام شووف منو الداحسهة يكنتورهه ومورطهه بييي ، لتمشوون هاي ملاعيبكم علينة رحمة لوالديكم بالعين منهن ذذذن ،

هشام : محد يفتح الكنتوور غيرهة ومفتاحهة عدهة 24 سااعه
هداوي : خلي الله بين عييونك مرتك صارلهه سنين عدك وشايلة امك بعيونهة يايوم طلعت منهه الموزينة ويايوم قصرت وياكم ، شبيكم مثل الصخوول تاكلون وابغكون بس سمعتولكم حرفين من واحد دجال امك واختك متفقاات ويا حتى يهجمن بيت البنية هديتوو !

هشام : امي واختي شعليهن هدى !
هداوي : الشيخ جابتة نورة ورجلهة موو !!
هشام : لا احنة الجبنا اني وطارق

هدى : هشااام واليرحم والديك لا انتة وطارق الجبتو ولا هاي ، نورة الجابتة وباذني سمعت امك تخابر بيهة تكلهه وديلي رقمة والولد يتفقوون ويا ويجيبو ، ولا تكلي تتسنطين على امي ، ترة هية صوتهة يلعلع وسمعت ،

روح الزم اختك احصرهة وكلهة شمتفقة وي الشيخ ومن يا بالة جبتي هذا الشيخ وجم فلس زركتي حتى يطيح مررت اخوج ، وبعدين تعال كلي شيخيش هذا اليحدد مواقع السحر ، هذا طائرة حربية مو شيخ ،

هشام : نورة شنو مصلحتهه تسوي هيج ، ولج هدى جاي اكلج بيييدي طلعته السحر والله بيدي ،والكاتلتني محد يفتح كنتورهه بس هييية ،

هدى : وشمدريك محد يفتح كنتورهة بس هية ؟.ذاك هوة مفتاحهه 24 ساعه عل ثلاجة اني من الناس اول البارحة حتاجيت صرف اخذت مفتاحهه فتحت كنتورهه واخذت وهاي هية هستوهه تسمع ماتدري ، عيوني ابو مصطفى خلو الله بين عيونكم ولتضلمون بنات العالم

، واذا تريد تحاسب احد روح حااسب اختك الحمصتهة عينهة من يوم تنازلت عن الورث ولليوم هية خربانة وي امهه وحجيهن مكانف ، عفية صلافة كلشي شفت بحياتي بسس ماشفت بنية تسحر امهه ،