#ماذنبي بكل ماحصل
#بقلمي anoo wisam
ومن سواك في
ياروحا تكلمني ......تجملني
وتمنحني ضحكة القلب
ومن سواك أيا حبي أيا قلبا يقاسمني
صفوف الحب ❤❤
____________________
باوعت على شيماء ودنكت محجيت شي وهية عيونهة ضلت علية ورة شوية دخل بابا هم كعد يمنة وبقو يسولفون واني صافنة على نار الصوبة وساكتة ، وكلشي مجاي يروح من بالي كل حركة وكل نضرة وكل تصرف وكل كلمه حسيت بالي شلون الجامة ونضربت بحجارة وتهشمت ، ارد اركز بشي ماكدر
الاب : هيل شبيج دشاركينة بلحجي
هنا على صوت بابا يلا تفطنت على روحي
هيله : هاااا يي وياكم بس دايخة شوي راسي يوجعني ،
شيماء : عوفي زوزة يم جدهة وكومي للغرفة ارتاحيلج شووي
، انتهضت وكمت رحت للغرفة هستوني كعدت ع الجرباية وهية دخلت وراي ،
شيماء : شنو شايفة مسلم اليوم
هيله : اي كاعدة بلحديقة وفجأة لكيتة وراي واكف مادري شلون درة اني هناك
شيماء : يجوز متابعج ولج
هيله:صار كومة مطالعه وين متابعني ،
شيماء : دعووفج هسة من هلحجي سولفيلي شحجيتو شسولفتوو ،
جريت حسرة ودنكت ،
شيماء : خير ولج !
اجت كعدت بصفي ومدنكة تباوع على وجهي
شيماء :شو حاجيني شبيج متكدرة !
هيله : لهسة يحبني ورايدني ،
حجيت هلجملة ودنكت ووكعن دموعي
شيماء : اي وشبيهة وذاا خل يتقدملج واخذي مابيهه اشكال وانتي ارملة ،
هيله : خايفة
شيماء : ومن شنو خايفة منو يكدر ينهاج مثلاا بعد اشو والدتج والله يرحمهه راحت لدار حقهه وابوج ماعدة مانع بشي ، واكرم اصلا يحبة ويموت علي ، خل يتوكل ويتقدم ،
جريت حسررة وكلت : ماااادري
شيماء : تردين اني احاجي الج !
هيله : لااا يمعودة شتحاجي عوفي بس خل ارتب افكاري والله تعبانة ومتشتتة ،
شيماء : على راحتج دادة فكري
عافتني وطلعت للمطبخ تكمل العشة ، خليت راسي عل مخدة وغمضت عيوني حيل واني احس راسي يريد ينفجر ،
اذا اكلة تعال تزوجني هسة معقولة راح تعدي على خير ومراح يطلعلي عارض بلنص ! زين وبنتي شلوون وين اوديهة وهوة على گد حالة واكيد ام قحطان اذا درت اني تزوجت راح تكطع المصروف عني وعن زوزة ، اوووف ياربي شهلحيرة ،
غمضت عيومي وغفيت من تعب التفكير فزيت من النوم اباوع الساعه ب4 الفجر ووحدي بغرفه شيماء ! لعد بابا وشيماء وين راحو ،
انتهضت ادور عليهم لكيتهم نايمين بلهول يم اكرم ومنومين زوزة يمهم حتى ليكعدوني ، مشيت بهدوء اخذت زوزة من نصهم وكعدت شيماء ،
شيماء : شعدج كاعدة هسة
هيله : فزيت ، وجيت اخذ زوزة منكم
شيماء : لتشيليهه فدوا لتكعد روحي كملي نومتج
انسحبت بهدوء ورجعت للغرفة جان الجو بارد خليت ادية بجيوب القميص مالتي وكمشت الورقة مال مسلم طلعت ناسيتهن بجيبي ، فتحت الشباك وكعدت يمة والهوة بارد يضرب بوجهي ، اباوع ع الاوراق واتمعن بكل حرف بيهن ،
أنت تقرأ
ماذنبي بكل ماحصل
General Fictionقصه حقيقه تتحدث عن فتاه كانت ضحيه افعال وسمعت ابيها وسمعت اختها الام معيله والاخوه صغار لاحول لهم تابعوني لنعرف ماذا حصل وماذا جرت من احداث بهذا القصه......؟
