ماذنبي بكل ماحصل

بارت35

#ماذنبي بكل ماحصل

#بقلمي anoo wisam

مسلم👇

‏ليــت الأيام #تعــود قليلا
كي #أضـــم روحا لم
تخبرني بموعد #رحيـــلها 💔
_____________

من انفتح الباب هوة جفل ووخرني من حضنة درت وجهي ليورة لكيتة الحجي ، مسلم وكف على حيلة واني وكفت ،
الحجي دنك : استغفر الله ربي واتوب اليه
بابا كومي ستري روحج ورجعي للبيت ،

هيله : عموو بس خلي افهمك
حجيتهه واني كوة انطق الحرف من الخنكة ،
الحجي : عمو مامجبورة تبرريلي وواكف بباب المحل وشفتج رحتيلة وكلت خل اروح ارجعهه للبيت لان الناس ماترحم بلحجي ترة وباجر خطوبتج ، لمي روحج واخذي بتج ورجعي لبيتج احسن ، وانتة عدي حجي ويااك

لميت روحي شلون ماجان وسحبت زوزة من ايدهه وطلعت امشي سريع ووجهي احمر من البجي ،
الحجي : انتة ما تستحي مسلم ؟ هاي مامرجية منك تررة ، بنية ماصارت من قسمتك كلهة روحي شوفي دربج ، البنية باجر يمشوون عليهه ، مطببهه لبيتك وتحضن بيهة ما استحيت ! كلنة حبينة وتمعشكنه بس مو معناهة هيج ، تعووذ من شيطانك وصدهة منك ، كافي عليهة البيههة،

مسلم ماحجة شي ولا رد بشي ،
وصلت لراس شارعنة مسحت وجهي بعبايتي ماعوزي محاضرة من شيماء ، فتت للبيت كبل رحت للغررفة
شيماء : حفي وعدلي وجهج خاف عوزة شي منا منا ،

هيله : انشالله سويت ترتيبات بليل وكملنة البيت تنضيف ، اجيت انام اول مخليت راسي عل مخدة الخنكة وصلت فول عدي ، عصرت وجهي بلمخدة وطكيت بجي ، اول شي مر ببالي بهللحضة نضررتة وحضنة ،

احضن بلمخدة واتذكر حضنة ، واتذكر موقفي وي الحجي شلوون يسم بجسمي من الفشلة ، ليش من تالي خليت الرجال اخذ هيج نضرة عبية ، بقيت اكل بروحي اكل ،

اجة الصبح وكعدنة من وكت نسوي التحضيرات ، واجننة رونق وهدى من الصبح وصديقات شيماء هم اجن ، رونق حجاية والثانية وتسمني بحجاية واغلس منهة ادري غايتهة تغثني ،

ساعه تكلي ام الرجولة ، ساعه البومة تكرطين زلم ، وهواي حجي ،
حتـى شيماء انغثت من وجودهه بس غلسنة ، صارت الساعه 3 اجو الزلم جايبين هواي سيارات وشيوخ وسادة ، اتفقو ع الحاضر والغايب ابويا طلب 10 ب10 وماكالو شي قبلوو ،

شوية وبدلت وحضرت روحي لبست ثووب ابيض وشال ابيض وذهبي ، السيد عقد للولد واجة يعقدلي وكف ورة الباب وحجة ورددت ورا وتم العقد على خير وبقيت كاعدة جوة بلغرفة والنسوان يباركن ويهلهلن ويركصن ، والزلم طشو بقة الولد واخوو وعمامة

، شوي لبسنة شالاتنة وادخلو للغرفة علينة هوة وعمة ، لبسني الحلقة والذهب ، بقة كاعد شوية اكلو كيك وعصااير والعالم بدت تطش بقة بس هوة والنسوان الجايات وياا ،