ماذنبي بكل ماحصل

البارت 9

#ماذنبي بكل ماحصل

#بقلمي anoo
مساااااء الورد🌺🥀
بعد شتريدون تقريبا بليوم انزل بارتين❤️
لتنسون نجمه وتفاعل☺️
ولبارتات نوبات يحتون ع كلام بذيئ شويه😁
_____________________

اجة كرومي وكال هشام بلباب جاي ، تفأجئنه هستوهة خلصت الملجة شكو جاينة هذا ؟ بسلا راح يسويلنة فضيحة انوب ،
طلعت ماما وطلعنة وراهة اني وشيمائو وكرومي
ماما: خير خالة شرايد ؟
هشام : ارد احجي وي رونق شوي وحدنة
ماما : يا الله هستوهه خلصت الملجة شتريد تحجي وياهة بعد، الحجي كلة صار كبالكم
هشام : اعتقد صارت مرتي والي حق احاجيهة !
الام : ابوهة هنا هسة لايسوي مشكلة بعدين وعود تعال حاجيهه
شيماء :شجاج عيني هدية خلي الولد يحجي وياهه شحدة صبوحي يحجي غير زوجتة
الام :ميخالف فووت حاجيهه بسلا تطول
ماما طببت هشام للمطبخ وطلعنة اني وهيله وصاحت رونق
الام :كومي هشام بلمطبخ يريد يحاجيج ،ايااااج تفشلينة
رونق :اي اييي افتهمنة

رونق : كاعدين وورة الملجة بنص ساعه كالو اجة هشام يريد يحاجيج ، هذا شيريد مني انووب ؟ فتت للمطبخ وجان واكف ومنطي ضهرة للباب ،
رونق: نعم !
هشام : رونق ليش هيججج سويتي ؟
رونق : وشسويت ؟
هشام :شسويتي؟ ليش خليتي سمعتنة وسمعة اهلي بلتراب ؟بشنو غلطت وياج اني ؟بشنو اذيتج الله عليج جاوبيني ،
طبعا يحجي وعيونة مدمعه ، لان جاهل بعدة مراهق ومندفع وبل احرى عديم شخصية وعقلة مو تمام من العلاج لان بلطفولة جان مريض ، وهلشي من صالحي طبعا ،
رونق : لان حبيتك وردتك الية باسرع وقت
هشام : رونق رونق اني ماغلطت وياج ما طخيتج مالمستج ليش كتيلهم اخذني ،والله ماسويت هيج اني
رونق : مامضطرة اجاوبك على هلسؤال بس حبيتك وردتك باسرع وقت وهاي انتة هسة صرت رجلي ، لا تكاليف ومشية وفلوس ، ولا ننتضر موافقة احد ،الكل صار تحت الامر الواقع،
احجي هيج وهوة صافن بوجهي ، استغليت هلشي وخليت ايدي على جتفة وقربت وجهي من وجهة ،
رونق :احبك زوجي
بستة على كيف على شواربة ، هوة هنااا ضل واكف متصفصف وعود بلبداية اجة هداد شو هذا هوون هسة ، شكد غبي
رونق : يلا روح لبيتكم عكب باجر العرس منريد مشاكل ،
عفتة وسحبت نفسي طلعت بلطرمة وهوة طلع يمشي ويتعثر طلع راح لبيتهم ،

هيله :
ورة ماطلع هشام كلنة منتضرين نعرف شراد وليش اجة ، التمينة على رونق اني وامي وشيماء
االام: شراد هشام شعدة جاي ؟
رونق : ماراد شي اجة يعتذر علصار وراد تتصافة الكلوب وكتله خلاص افكر بهلشي والايام هواي ،
حجت هيج وعافتنة وفاتت جوة للغرفة واحنة مصدكنة بيهه لا اني ولا امي بس مضطرين نسوي نفسنة مصدكين لان شيمائو موجودة..
شيماء :يلا دادة اني اروح لبيتي بعد تمسي عليكم العافية
الام :الله وياج عيني
انتضرنة شيماء تروح وفتنة لرونق للغرفة نريد نعرف الصار ، وحجتلنة الصار بلتفصيل
الام : اخخخ منج يبت بليس ، والله لو ادري بيج هيج تطلعين ملعبة وحية جا ذبحتج من زغرج وشمرت لحمج للجلاب
رونق :اووو يمة كافي رحمة لوالديج موحتة ايام عرسي راح تنكدين علية ،
الام :جايبتلي عررس بوجه الابيض ولج حتة تريد تفرحييين !
رونق : اسمة عرس لو لا ؟ طلعت بلوجه المضلوم لو لا؟
الام : الله يعابيج بيهن لاتنسين ربج بلمرصاد
رونق : اي مثل ماعاباج بامج الجان توكلج من فلوس حرام وزنة واطاج بنات مستقبلهن زاهر مثلهه ههههه
امي ماحجت شي من سمعت حجي رونق ، دارت وجهه وطلعت من الغرفة بس حسيتهه انهضمت ، اكثر شي يكسر بامي ويهضمهه من احد يعيرهه بامهه لو بماضيهه ،.
هيله :رونق ليش هيج تحاجين ماما ؟ 😒🙄
رونق :وشسويلهه يعني متشوفين حجيهه سم ،ومن رخصتج طلعي مني عاد لتنكدين علية معايزة !
هزيت ايدي وعفتهه وطلعت للمطبخ اسوي عشة ،
مرت الايام بسرعة واجة يوم العرس ، من بابهه فرحانة لان اخلص من رونق ومصايبهه وتنستر ومن بابهه خايفه لا تكوم تسوي مصايب وهية براس رجلهه ، والله حيرة
من الصبح اجت ام هشام وهدى مرت طارق اخو هشام الجبير ، اخذن رونق لام الصالون الجان بيتهه بنفس منطقتنة قريب علبيت شيمائو ، وشيمائو خلتهن يرجعن وهية ضلت يمهه لحدما تكمل وهمة يجون ياخذوهه ،واتفقت وياهم يجون الساعه ب2 ونص ياخذوهه من الصالون ، واحنة بلبيت بدلنة وكشخنة اني وامي ، اني لبست قميص ماروني لحد الركبة وبنطرون اسود وشال ماروني واسود وماخليت مكياج لان بطبعي ماحبة ، وماما لبست نفنوف طويل زيتوني وشال بيجي ، وبدلت لاخواني وكشختهم ،وبابا هم بدل لبس قميص وبنطرون ،.
صارت الساعه ب1 ونص راح ابو هشام وهشام وامي بسيارة حتة يجيبون رونق ، ماسوو زفة مجرد مكياج وبدلة ويجيبوهه يطببوهه للبيت ، وطبعا المكياج والبدلة حتة يسووهه شغلة رسمية كبال العالم ، واتفقو ورة العرس يلا يعقدون محكمة ، جابو رونق وطبت لبيت ابو هشام وكعدو شويه وحجو وسولفو وصعدوهه لغرفتهه ، واحنة طلعنه رجعنة لبيتنة اني وامي وخواني ، وابوي اخذ شيمائو وراح وياهه لبيتهه ،
طبينة للبيت وحسيت هم وانزاح من كلبي من انسترت رونق وفضت على خير
شمرت روحي على فراشي من التعب ، وعفت كرومي وسيف على امي ، وامي نفس الشي احسهه ارتاحت من عدة العرس على خير وخلصت من كل الهم الجان على كلبهه الله يساعدهه ،
رونق : ورة ماخلصت الهوسة صعدوني للغرفة اللي هية جانت عبارة عن كنتور وميز زغير وفراشين مفروشات بلكاع ماكو جرباية ،لان بعده مامشتري غرفة خشاب ،وحتة ملابس بعدهم مامشتريلي ماعدا سيت نوم ودشداشتين وكم حاجة مكياج امة جابتهن بيوم المهر وكالت امشي حالي بيهن علما تفض السالفه ويشترولي ، ماكلت شي اني
دخلت للغرفة حرت وين اكعد واني بهلبدلة ، نزعت حذائي وكعدت على فراش ورة شوية طب هشام
هشام: السلام عليكم
رونق:وعليكم السلام
هشام:شلونج رونق
رونق:زينة
قرب واجة كعد بصفي علمندر ومدنك مايحجي شي اني هم بقيت ساكتة ،
رونق:شبيك ساكت
هشام: هااااا لا لا مابية شي تكومين تبدلين ؟
رونق : اي اوكي كمت
كمت فتحت العلاكة طلعت سيت النوم وبديت افتح بلتسريحة وامسح المكياج الجان على وجهي ، وجانت الغرفة بيهه حمام من ضمنهه ،لان همة بيتهم تصميمة حديث وحلو وجديد مومثل بيتنة ، فتت للحمام نزعت البدلة ، ولبست السيت ولبست فوكة الروب وطلعتله ، لكيتة مبدل ملابسة لابس دشداشة رصاصي وكاعد علمندر ، اجيت كعدت بصفة
رونق :شنو ماكو عشة ؟
هشام :لا هسة راح يجيبونة ،
ورة شوية اندك الباب وجابو العشة ، كعدنة ناكل وكملنة وغسلنة ،
هشام : اكلج هم يحتاج نسوي ذيج الشغلة
رونق : اي وليش لاا عيني ؟
هشام : بسس بسس مو انتي كتيلهم اني مسويهه بيج ذاك اليوم ، بس رونق اني متاكد واتذكر روحي ما سويتلج شي حتى ما نزعت تراكي والله
رونق : اي وكتلك ليش كتلهم سويتهه بية ! لان ردتك الي ومن زمان معجبة بيك وماصدگت اليوم الباوعت بي علية ، متكيف عندك وحدة تحبك ومشتريتك وسوت كل هاذ حتى تفووز بيك ؟
هشام : شش ششفتي مني حتة تحبيني ؟
رونق : طيبة كلبك وفطاريتك ،
هشام: يعني يعني انتي ما بيج شي ? بنية ؟
رونق : اي بنية جرب وشوف
وضحكت بوجهة واني مستغلة فطاريتة وببالي خطة جهنمية ، نفسهة الوصلتني لهلمرحلة ،
قربت منة وجانت الاولوية الي لان هوة فاهي وميعررف شي وهلشي جان من مصلحتي طبعاا ، وشوية تمثيل ودراما ،وطبعا الضوة خاافت ميميز شي ، قرربت الشفرة من ايدي وجرحت طرف اصبعي بديت اعصرة شوي شوي واستغليت هلفقرة وتمت الخطة بنجاح هههه
ورة ما كملنة تفاجئ هوة بوجود الدم وصدگ اني جنت بنيه ، وطبعاا هوة فاهي ماكدر يميز شي ، كمنة سبحنة وعدت الليلة على خير ، وهلهشام اعرف شلون اكسبة لجانبي ،واخلي محبس بايدي بل ايام الجاية ،
هيله :
مرت الايام على خير ورونق ببيت عيالهه وماشية الامور طبيعية ، وعيالهه ناس فقرة من اهل الله والناس كلهه تشهدلهم وماعدهم اذية على احد ، بس الله لايطي رونق الطيحت سمعتهم وسمعة ابنهم المالة ذنب هلطيحة ، وخطية جان يعاملوهه زين عبالهم صدك مضلومة وهية خوش تمثل بت الاوادم ام عشر وجووه تعرف شلون تعييش ، بدت امتحاناتي مال الوزاري شديت حيلي بديت اقررة اريد بس انجح واخلص وكملت الامتحانات عل خير وبقيت كاعدة بلبيت انتضر النتيجة بفارغ الصبر ،
امي جانت لاهية بلخياط وباخواني ، وماجان تروح لرونق رغم همة بيتهم مقابيلنة بس مثل الكاشة روحهه منهه وماتريد تطول رجل عليهه ورونق نفس الشي ما تجي ولا توصل ، لاكتلهه الكعدة ببيت هشام ونستنة ، اني نفس الشي لان ماشفت منهه طيب طول عمرهه هييج ، بس مرات اكول عيب ، من تجي شيماء نمر عليهه عصرية دقايق ونرجع
رونق : مر شهر واني ببيت عيالي ، وطبعا ام طارق وابو طارق كلش زينين وياي ، اكعد براحتي انام براحتي والاكل كلة من الفاخر والملابس الجابولياهن ورة العرس والمكياج واشكال والوان ، وهشام هم ممصدگ وطاير طيور بية ، وميت على دلال والدلع ، وجابولي غرفة جديدة ونصبوهه حالي حال اي عروس ، امي مجان تجيني ولا توصلني واصلا خفة وراحة ششايفة منهم جنت اني ، وعود كل اسبوعين هيج يمرلي شيمائو الضبعة وهيلة يسلمن ويرحن ،
مرت حماي الجبير طارق اسمهة هدى ، طبعا متخلف ميصير عدهه جهال صارلهة 4 سنوات مزوجة وماحبلت ،وهم عمهه وعمتهه يموتون عليهه وشايليهه بلصلاوات ، ماجان تلتقي بية هلكد بس السلام بينا ، بس شكلهه ابد مو راحة جنهه ذن الشريرات البلكارتون ، ومدري شلون رجلهه عابدهه عبادة..
وفد مرة كاعدة لوحدي بلهول واجت كعدت يمي تفتح مواضيع ونسولف ، سئلتني علة شيماء
هدى : هاي شيماء صارلهه شكد على ذمة ابوج ؟
رونق : شمدريني يخية فجأة طلعت بوجوهنة كلشي مندري عنهة!
هدى :وابوج زين وياهه لا عاد؟
رونق : يسنح يمهه ينسة روحه ، وبطولاته بس براس امي يطلعهه
هدى :امج فاهية مو بشطارة شيماء رغم امج احلى منهه
رونق : لافاهية ولاشي بس ابويا يموت على كحاب والحلوين هاي من الاخير جبتهه الج
هدى : لايموت عليهن ولاشي ، بس شيماء جابتة بشطارتهه ،
كالت هيج وغمزتلي
رونق : شلوون عود بلا
هدى : بلسحورة يخية ، يجيبنة لو بمكة هووة ويخلنة محبس بايدهن هم ويشم تراب رجلهن...
رونق : وهسة انتي جايبة طارق بيهن ؟ههههه
هدى : هههه الج الصافي يحبني لو ميحبني ؟ مكعدني على كلبة واني بدون خلفة وساكت هوة واهلة وما مطالبيني بأسم طفل لو لا ؟ الامر والنهي بيدي لو لا ؟
رونق :اي عيني اي ، بس شلوون ؟
هدى : شنو الشلون
رونق :يم منو تشتغلن ؟ علمنني بطريقجن اخيتجن ارد اربط رجلي ههههه
هدى : اذا مشيتي وياي بدربي اربطة الج خية بسس مو هسة
رونق : لعد شووكت ?
هدى : من افحصج واعرف معدنج واثق كلش ، بذاك الوكت اخليج ملكة ، ولتنسين مايخفة علية شي ، هداوي اني (ونعم ولله بهجامات لبيوت) 😂😂
رونق : تمام الايام جاية وانشالله تعرفيني
هدى : وديري بالج يطلع حرررف !
رونق : طببت منا وطلعت منا سرج ببير خية واني محتاجتج مو انتي ...

#يتبع👈💚

قراءه ممتعه حبايبي