ماذنبي بكل ماحصل

بارت 33

#ماذنبي بكل ماحصل

#بقلمي anoo wisam

بـــعــــد لتصير خوش انسان
هـــو الــخــوش يــتــبــهــذل💔
____________________

هيله : وليييش ميكدر يسوي شيي ? لييش ميكلف نفسة يواجه امي لو ابويااا وكلهم اريييدهه لييش كلة ورة الكواليس

شيماء : شوفي عاد ترة انتي كمتي تخربطين وتمسلتين بلحجي ، اول شي بيا حق يوكف لاهلج يكلهم اريدهه وياخذج غصبا عليهم ! ماكو قانون لو ماكو عشاير لو ماكو اعراف شنو هية هييتة ! وثاني شييي لتكعدين تلومين وتشمرين لووم هذا اختيارج وشوفي نفسج شلون ملختي روحج علي ،

هيج وماعاجبج وضجتي لان ماوكف وطالب بيج ، عوفي هللطم والبجي  وكعدي وسكتي فضت راحت ،
من سمعت حجي شيماء حسييت بروحي صدك مصختهه وبديت امسلت بلحجي ، بقيت ساكتة وبس دموع تنززل ، بقيت على هلحالة لحد الغرروب واني على طول اليوم لا اكل ولاشرب بس استكان الجاي مال الحجية ،

وكاعده بلغرفة وزوزة تلعب يمي ، لحد الليل شيماء جابتلي العشة ماقبلت اكل وكعدت يمي توكل بزوزة شوربة وتباوع علية
شيماء : وراح تبقين هيج !
هيله : شيماء شتردين !
شيماء : ماريد شي بس راح تبقين هيج مكابلة الطفلة وحاكرة نفسج

هيله : عوفيني بحالي فدوا اروحلج
سكتت وبقت توكل بزوزة واخذتهه وياهه تغسل الهة واني فد صفنة وكعدة احس الدنيا تفتر بية ، سالفه تاخذني وسالفه ترجعني ، ويومين منايمة ولا شايفة الراحة شنو
تعب عقلي لحدماا غفيت واني كاعدة ،،

رونق : مليت من عمتي كلشي مجاي يفيد وياهة لا تقنيع ولا الشغلات الانطتنياهن هداوي ، وبديت اخاف ولازمة كلبي بايدي على ساعه تروح لسيد مضبوط وتكشف الاكو والماكو ، ضاكت بية ومريت على هداوي اريدهه تشوفلي حل

هدى : يمعودة هاي عمتج هم مو هينة وهية شضال بعمرهه دركعيهه بواحد زين وطيحيهه ونخلص
رونق : والله هوة هم جنهه هيج بس يرراد روحة للنجف اذا على هلسالفة التقصديهة
هدى : ويامسهل الروحة بس يرجع طارق ادك يمة اليتيمة ومن صبح باجر ياخذني وبيج خير وتدللين

طلعت من هداوي واني مطمئنة لان هاي ذيبة كلشي مايصعب عليهة ،
لان نفسي لعبت كدما عايشة بقلق وتفكير وخوف ،

هيله : مرت ايام هواي واني كاعدة بلبيت ويوم عن يوم حالتي تسوء ما تنقص صرت منعزلة عن الكل وما الي خلك لأي شي ، حتة بتي ما ادري بيهة وين ماوين ، كررهت الدنية والبيهة بذيج الايام ، وابويا من ذاك اليوم لهاذ اليوم ما شايفة وجهة ،

بساعه الموجود احبس نفسي بلغرفة حتى لاشوفة ، وهوة هم مابادر بشي ولا اجة شافني ،
واكرم يجيني يجيبلي الاكل ويكعد يمي يحاول يحجي وياي ومرات يحاول وياي حتى نطلع بس ما اقبل ، لان اخاف بطلعه من الطلعات اشوف مسلم وترجع حالتي تسوء وارجع لنقطة البداية ،