#ماذنبي بكل ماحصل
#بقلمي anoo
مسائكم عسل🍯❤️
_______________
احيانا ابكي ولا اعلم مابي غير ان الحياة ارهقتني🥀
ومللت من كل شيء🥀🥀
___________________
هيله :قصدج مايحب الصاينتة ومحترمة نفسهه ولامتة ولامة بيتة ،يحب المستكعدتة ومخليتة بس اسمة رجال !
شيماء : حبيبتي بعدج زغيرة علة هل امور من تكبرين تفهمين الحياة صح
هزيت ايدي وكلت وي روحي بلا هاي شحاجيهه هسة ،
عفتهه وكمت اشوف رونق ، فتتلهه لكيتهه كاعدة بلغرفة صافنة
هيله:شلون صرتي
رونق :يمعووودة شو عوفيني هوة واحد وين يشوف الخير من ورة هلكلان خرة
هيله:هونيهه تهون كولي يا الله والف حلال يحلهه ونشا الله يطلع ابن حلال
رونق :هههه ابن حلال؟ كافي هيل كافي وكليلي هاي مرت ابوج الشفية الهه نية تضل هنا شنو؟
هيله :جاية تبات يمنة لان امي تبات يم ابويا اليوم
رونق :جانت عايزة والتمت ، هوة وحدة ماحاملي انوب ويا مرة والله يا الله
شيماء : ليلو ليلو !
هيله :ياليلو انوب ؟
شيماء: حدلعج ليلو لان صراحة اسمج ينام علگلب والله بلا زعل
هيله :استغفر الله ربي واتوب اليه: يلا براحتج
شيماء :شحتعشونة اليوم؟
هيله :كومي للمطبخ وشوفي شتاكلين ،اني ورونق منتعشة وكرومي ياكل جبن يومية
شيماء : اوكي تمام
عفتهه راحت للمطبخ ورحت كعدت بلغرفة يم رونق
رونق : هيل ارد اشوفة اليوم ضروري
هيله :منوو
رونق :لج ياااسر ارد اشوفة واكله يتقدملي باسرع وقت كلش خايفة
هيله:وشلون تشووفي ؟ وشيماء اذا شافتج شلون لا انوب تفضحنة هاي
رونق :عوفج من قندرة شيماء ، راح اطلع اشتري لكرومي من المحل الكبال بيتهم واكيد اشوفه هناك ، راح اتفق ويا يجي ب12 ونص
هيله : رونق بس لتخلين كرومي يشوفه كوة يلا لزكت السالفه ترة!
رونق :معلييج بسس اريدج من يجي تكعدين يم هاي الحية متخليهه تطلع
هيل: خوش خوش يلا كومي اخذي كرومي وياج
رونق :
اخذت كرومي بحجة اشتريلة واني امشي وادعي كون اشوفة ،اول مرة احس نفسي محتاجة احد هلكد ، والخيبة وصلت للمحل وبقيت الافت وماشفتة ، رغم جان يومية يوكف بهلمكان ، حسيت بخنكة موشلون ماجان وهميت رجلي ورجعت للبيت اول مافتت رحت للغرفة وشمرت روحي علجرباية ابجي ،
هيله
كعدت بلهول انوم بسيوفي فجئة فاتت رونق للغرفة گبل ، فتت وراهة لكيتهه تبجي
هيله:شكوو ؟ حاجيتي لو لا
رونق: لججح ماكو مشفتة اختفة فص ملح وذااب شسوي اني بروحي هسسة
رجعت خلت وجهه علمخدة وتبجي
هيله:رونق كافي لا هاي اسمعج انووب ، كولي يا الله يجوز عدة شغل شي وماطالع
رونق :لجج اني اعررفة جبان ، لج اعررفة راح يعوفني بهلمصيبة وحدي
هيله:ومدامج تعرفي ليش صخمتي وجهج وصخمتينة وياااج
حجيتهه بعصبية ودمي فاير من وراهة
رونق: لج غلطت غلطططططت ردت اصير حالي حال هاي البنات التحب وتتمعشگ شمدريني هيج راح يصير
هيله :لج كل الحب وعشگت صخمت وجهه هيج ؟
رونق :هيلة طلعي منيييي عوفيني وحذي لخاطر الله
عفتهه وطلعت لان اذا اطول وياهه دقيقة لاخ تفضحنة هااي
شفت شيماء تلبس بعبايتهه
هيله: ها خالة وين ؟ مو علساس تباتين هنا?
شيماء :اي دادة ابات بس عندي مشوار زغير شوي واجيج ما اطول
هيله :علراحتج
استغفر الله ياربي الله بلاني بشلة مال ك... وحرت وين اطي وجهي بيهن ، وحدة مصخمة وجهه والثانية عباتهه براسهه وتفتر بنصاص الليالي ،
أنت تقرأ
ماذنبي بكل ماحصل
General Fictionقصه حقيقه تتحدث عن فتاه كانت ضحيه افعال وسمعت ابيها وسمعت اختها الام معيله والاخوه صغار لاحول لهم تابعوني لنعرف ماذا حصل وماذا جرت من احداث بهذا القصه......؟
