ماذنبي بكل ماحصل

البارت11

#ماذنبي بكل ماحصل

#بقلمي anoo

مساء العافيه ❤️🌺
اعتذر عن تاخر البارت حبايبي
واحلى بارت لعيونكم🌺❤️واتمنى تدعون على هديوه كون الله ياخذهه بعدهه بسحورتهه وع كل شخص يمشي بهطريق
________________________

فتت اركض لبيت ابو هشام ولكيت امي هم هناك ، واشوف ام هشام وبتهه وولدهه ملتمين على ابن نورة ويعيطون متخربط وميعرفوون شبي ، طلعوا حطوا بلسيارة واخذو للمستشفى ، وسئلت رونق على صار ماتعرف شي فجأه متخربط عليهم ، امي بقت يم ام هشام تهدئ عليهه وتهوون واني اخذت كرومي ورجعت يم سيف بلبيت ، وببالي مقهورة على طفل اكول خطية شحال امة ، وبيني وبين نفسي اتخيل سيوفي مريض ، وحضنتة حيل وسميت باسم الله ليش افاول علي بلمرض الله يحفضة ، ورة شوية اجتني شيمائو كعدت يمي وسولفتلهه الصار خطية هم ضاجت عليهم ،
رونق : كاعدين بامان الله عصرية ناكل حلاوة جكليتية ونسولف ، وابن نورة يلعب يم الكناريات برة بلطرمة ،والولد بلشارع كاعدين ، فجأة سمعنا عياط الطفل وكلنة ركضنة ع الباب ، والولد هم من الشارع طبو ، لكينة الطفل يبجي ويگمز بمكانة ويعييط ويشمر بروحة بلكاع ، قربت علي امة حضنتة وتسمي علي وهوة يدفع بامة ويخرمش بيهه وميت من البجي ، وكلهم ملتمين علي يريد يهدئو ومفرفح ، حتى اني نشلشت كلت شبي هذا انوب ، اخر شي كام يكح قوي ويتقيئ وامة تعيط على رجلهه يحضر السيارة حتى ياخذوا للمستشفى شي وهوة يعيط عليهه يكلهه خل يهدأ نفتهم شضاربة شكارصة ، اخر شي الطفل من البجي والعياط والقيئ ، انغمة علي ووكع وامة وبيبيتة يعيطن والعالم التمت على عياطهم ، حطوا بلسيارة واخذو للمستشفى.
اباوع على هداوي ما اهتمت للصار ، قربت منهة
رونق :ولج خوما الج ايد بلسالفة ؟
هدى :ههههه شعلية خية امر الله وجاهل تمرض
لزمتهه من ايدهه وقربت منهه
رونق :الله عليج الج ايد بيهه ؟
هدى :مثل ما تكوم وتكعد تحرك كلبي بلخلفة الة احرك كلبهه
رونق :صخام ،شسويتي للطفل الله عليج
هدى :مسويت شي يدادة جنت كاعدة يمجن اكل حلاوة ههههه
رونق :الله عليج خايبة دحجيي كتلني الفضول والله
هدى :علگولتج طگطگتلة ههههه
رونق :عزززة بعينج سحرتي
هدى :شربتة يدادة بعصير الضهر الدرتة الة بكلاص نايلون حتة لا يكسر الكزاز ههههه
رونق :عزززة بعينج والله مو هينة
هدى :ابد ابد.
هيله : بقت امي تروح وترجع يومين على بيت ابو هشام والطفل ماطالع من المستشفى ، لاكين معدتة ممرودة مرد ومحد يعرف شنو السبب ومنطيهم بلطفل 48 ساعه ومبقي ع الاجهزة ، وخطية حالة امة وبيبيتة وابو يرثى لها لان الحفيد الوحيد لبيت ابو هشام ، وامة منهارة عليي
نورة : هااادي امشي اخذ ابني حولة لمستشفيات بغداد ليروح من ايددي
هادي :سمي باسم الله الدكتور كال مانكدر ننقلة هسة حالتة خطررة
ونورة كاعدة تدك وتلطم على ابنهه
نورة : مايوم رتاحيت بحياااتي نافساتني بكلشي بل اكل بلشرب بلطلعه بلطبة ،حتى على جاهل نافساتني ،حتى على رجال نافساتني الله واكبر عليجن
وامهه وامي كاعدات يهدئن بيهه.
رونق : البيت انكلب مناحة من ورة الطفل وهداوي هادئة تحس بلذة الانتصار ،مبينة مو هينة هلهداوي هااي ومومال واحد يندك بيهه ، صح ماحب واحد اقوة مني بس عادي اكدر اصير تلميذتهه واتعلم جم شغلة ، ومبين درب السحورة خوش درب والله ويجيب حقوق هههه
هدى : شوكت تولي هاي كالبة البيت مناحة
رونق :دصبري خيموت ابنهه عاد هههه
هدى : اي ولج صدك خيموت وراهة خلتروح
رونق :دهر براسج مو خطية هههه
هدى :شعلية بربوك انتي الحجيتي ووافقتج الرأي ،دكومي كومي ننزل جوة نشوف لطمات نورة الجديدة
رونق : يلا بس بيني نفسج حزينة شوي هههه
هدى :اعجبج بلدراما اتعس منج. 6
هيله : مرت يومين ونسمع عياط ببيت ابو هشام ، رحنالهم للبيت وطلعو جايبين الطفل متوفي 💔 وخطية حال امة وابو وبيبيتة يرثى له ، سوو الفاتحة ببيت ابو هشام ونروح ونرجع عليهم مدة 3 ايام مال الفاتحة ، ونشوف امة شلون انهارت علي خطية ، وبنفس الوقت اشوف رونق شلون طابكة روحهه لهدى مرت طارق ويبسبسن ويضحكن بنص الفاتحة واكول الطيور على اشكالها تقع ، شلون ثنين هنة عااد ،