ماذنبي بكل ماحصل

البارت 17

#ماذنبي بكل ماحصل

#بقلمي anoo
___________

طلعو واني احس جسمي كلة يرجف ورة ماشفت ردة فعل امي ورة ماعرفتة هوة مسلم ، رأسا ركضت رحت يم الشباك سويت نفسي دايرة بالي علة اخواني ،
فاتت امي
هيله: منو اجة يمة
الام : روميو ودة الخطابة يمة
هيله : شنوو
الام : لا تقنعيني ما جنتي ورة الباب وسمعتي كلشي ، ولا تقنعيني ماعدج شي وي الاخرس
هيله : يمة شكو غير افتهم
الام : هيل لا تضحكين علية ولا اضحك عليج كعدي وسولفيلي شعدج ويااا
هيله : هوة منوو
الام : مسلم
هيله : ماعدي شي ويا يمة
الام : وشمدري خلصت امتحاناتج ، وشمعنة خطابتة اجو بهلوكت ؟
هيله : مادري يمة يجوز صدفة
الام : كتلج خليني هادية وياج واحجيلي بلا جذب ، عدج علاقة بي مووو ؟
هيله : ماما خل افهمج
الام : احجي
هيله : ماما اني بتج وتعرفين تربيتي ومايوم خطيت خطوة عيب لو حرام ، والعلاقة البيني وبينة مو مثل الانتي متخيلتهه والله العضيم اصبعي مالامسة وما متجاوز بشي ويااي ، مجرد صارحني وكلي حبيتج وكتلة اكمل امتحاناتي  ، كال بس تكملين اخطبج وهلحجي بداية السنة صارحني ،
الام : وطلعاتج وكعداتج يمة الجنتي تكليلي اروح اقرة واروح العب خواني ؟
هيله : مو كتلج والله العضيم مايوم غلطت وياا بشي ولا غلط وياي
الام : مقتنعه بهذا تصررفج السويتي هيلة
هيله : ياتصرف ؟
الام :مقتنعه معلقة روحج ورابطة روحج بواحد اخرس والف علة بي واني تعبانة عليج ودارسة وواصلة ووراج جامعه وتشوفين اشكال وانواع الشباب ،
هيله : بس ماما المرض مو عيب ولا حالتة عيب ، رجال ومرتب  وشايل نفسة وشاغول وعدة بيت ليش حتى ما اقنع بي !
الام : والمقياس عدج بس عدة بيت وحلو وعدة شغل ؟ مافكرتي بنفسج شلون راح تتفاهمين ويا ؟
هيل :ماما هوة يعرف يقرة ويكتب واكدر اتفتهم ويا
الام : وانتي تخلصين تالي عمرج كتابة ؟
هيله : ماما اني مو زغيرة ولا مراهقة وقانعة بي
الام : اني ما اكلج ما تاخذي وما اردلة خبر واكلة ما الك مرة يمنة ، بس يا هيل مادامي اتعب واكبر وادرس واربي وتعبي ما يتقدر ، اذا اخذتي تنسين عدج ام ! تطلعين مني وتشوفين حياتج وما توصليني ولا اوصلج حالج حال رونق
هيله : بس ماما ليش شنو الغلط البلموضوع !
الام : كتلج ما اتحمل خطيتج وامنعج منة بس لو اني لو هوة وقرارج الج والاحد اني ارد لابو سلام الخبر ،
هيله : ماما انتي شجاي تحجين دخيل الله
الام : هيله ماعدي حجاية لاخ وياج !
عافتني وكامت وطبكت باب الغرفة وراهة ، حسيت الدنية صارت هلكدوتهه بعيني ، حسيت جسمي ما يعيني ، خليت ادية على وجهي وحتى ما اكدر ابجي احس ماعدي دمووع ،
شلون بية وهية خيرتني بين اغلة شغلتين بحياتي كلهة ، لا اكدر انكر تعبهه مثل رونق واكسرهه واعوفهه ولا اكدر اعووفة ، حسيت روحي طكيت طكة وحدة بلبجي ، ماوعيت على نفسي الة وي اذان المغررب ،
كمت توضيت وكعدت اصلي وادعي الله يصفي بالي ،
مرن الجمعة والسبت وامي حدهه بس السلام وياي ، واني التفكير ماكلني اكل ، ولهسة ما واصلة لقرار نهائي ،
مامعقولة اعوف امي الحاربت اتعس الضروف حتى توصلني لهنا ، ومامعقولة اعوف مسلم واكسر بي من تالي واني الفرحة الوحيدة البحياتة ،
الام : باجر ارد خبر لابو سلام شتبين ؟
هيله : جريت حسرة وذنكت ، مادري ماما
الام : ماكو ماتدرين احجيلي خل ارجع خبر للعالم ،
هيله : خلاص ماما سدي الموضوع وكلهم البنية ماقبلت ، حجيتهة ودنگت
الام : وشخلاج هيج تقررين
هيل : مو رونق اني حتى ابيع تعبج وسهرج ومحاربتج وانساهن ، لا تنسين اني بتج الماكسرت بيج بيوم ومانزلت راسج بيوم ،
حجيتهة وبجيت ، قربت مني.
الام : هيلة ليش تبجين؟ علمودة ؟.والله طبي جامعه ويجونج الاحسن منة
هيل : ما باجية على شي ماما لا يهمج
عفتهه وكمت للغرفة واني احس نار تاكل بكلبي والخنكة البصدري اتمنى اعيط وابجي واصيح باقوة صوتي بسسس ماكدر
يعني معقولة كسرت بمسلم !شنو احساسة من باجر يرجعولة الخبر ! شراح يكول !
لازم ادزلة ورقة واشرحلة الصار مستحيل اخلي يفسر وحدة وياخذ نضرة عني ،
كمت مثل المخبلة انفش بجنطتي طلعت ورقة وبديت اكتب وابجي ، كتبتلة كل الصار وضميت الورقة بصدري وطلعت اشوف اكررم
هيل : ماما راح اودي اكرم للصيدليه يجيبلي حب وجع راس راسي يوجعني
الام : شوفي برة وحاجي
طلعت برة صحت اكرم وفهمتة ووصيتة ميخلي لحد يشووفة ومن يرجع يكلي مالكيت حب ،
رجعلي اكرم ورة شوية ومنطي الورقة لمسلم
هيله : هم كالك ارجعلي ؟
اكرم :لا ماكال شي بس اخذهه
بقيت لازمة كلبي بيدي والدمعة بطرف عيني ، اكول يعني معقولة صدك انتهه كلشي بلمحة بصر ، شلون الي عين واخليهه بعينة بعذ ،