ماذنبي بكل ماحصل

البارت3 مفاجئ

#ماذنبي بكل ماحصل

#بقلمي anoo
___________________&
خسـرت هـواي
وفهمـت هـواي
وعرفت الي طعن بـ گفآي
نفسـة ألي ضحـك ويـاي!
_________________________

طلعنه للدوام اني ورونق ودزينة كرومي لمدرستة وبدينة نتمشى على مدرستة ، وعلى طول ما احنة نمشي بلشارع رونق جان تتلفت كأنما مضيعة شي
هيله: رونق شبيج بس تتلفتين اكو شي ؟
رونق: شلون يعني ما نتلفت مانشوف بشر مخنوكين 24 ساعه بلمهجوم
هيله: مالهة داعي شبيج..مجرد سألتج حتة اطمن عليج
رونق :مشكورة يهدية بس عوفيني بحالي (طبعا هدية هوة اسم امي ورونق دائما تشبهني بيهه من الح بل اسئلة )،،
عفتهه ماناقشتهه لان اذا اناقشهه تلم العالم علينة بلشارع بصوتهة
............
من باب ثاني هسه نجي نتعرف ع رونق

أسمي رونق طالبة سادس عام (ماجان اكو علمي وادبي بذاك الوكت ) اني البنية الجبيرة لاهلي وعدي اخوان 2 واخت ،
من وعيت علدنية واني ماشفت الراحة بهلمهجوم الاسود ،فقر ومشاكل وعوز وجوع ومعاملة جايفة وكلشيي ، حقدت عليهم حقد مصاير،
اتلگاهة من ابونا ال24 ساعه اهانة وعياط وسوالف مكسرة ، لو من امي واختي المتفائلات بلهوة وماعرف شنو الشي اليدعي للتفائل بهلبيئة الخايسة، شكد تمنيت امي تقتصر علينة اني واختي ومتخلف بعد بس اصرت وخلفت 2 ولد ورانا ، مادري ليا عيشة ملكيه جابتهم ويامصير راح يواجهون بهلعووز ،
كرهت كلشي بسببهم وكرهت الدراسة من اشوف البنات وين وعيشتهن وين واهلهن وين واني وين !
اموت الف موتة من اشوف لبسهن وجمالهن ودلالهن وواهسهن وكلشي ، جنت احترگ من اسمع وحدة تسولف على حبيبهه لو تگول فلان صجمني لو فلان انعجب بية ، اكول جا اني شبيه ؟
رغم جان شكلي وسط بشرتي بيضه على صفار وعيون وسط وشعر لنص ضهري وجسمي ضعيف مابيه عيب بس رغم هاذ طول عمري محد باوعلي ، الى ان بيوم من الايام اكو عمال يشتغلون بلبيت المقابيلنة ووياهم شاب يطلع عمرة 22 او اكثر جنت كلما اطلع  ما اعبرة ، بعدين فكرت بيهه كلت هسة اني على شنو حارمة روحي من كلشي ومنكدة جوي ،خل اصير مثل هاي البنات اطي مجال لفلان وعلان واصاحب واحب شخسرانه بلعكس اغير نفسيتي ، بديت البس دلع واطلع اغسل الباب وابادلة النضرات والابتسامات الى ان حس بية مجال فقرر يتقرب مني وانطاني ورقة كاتبلي بيهة كليشة حب وغرام وبلنهاية كاتب اسمة (ياسر)
وجانت هاي اول مرة احد يكلي بيهه هيج حجي ، قررت هم اكتبله رساله وابادلة الكلام ، رغم ماجانت عندي خبرة بهل امور بس بديت اكتبله حبيات وغراميات وانتة عجبتني وهلسوالف وبلنهاية كتبتله اسمي (رونق) استمرت هلعلاقه بل اوراق بيناتنه حتة ورة ماكمل بناء بدة يمر لبابنة  وينطيني الرسائل ، الى ان اجة يوم وتشاوفنه الساعه 12 بليل بنفس مكاننه بباب الشارع والمنطقه فارغه ، وبذيج الليله صارت بيناتنه امور بوس وحضن ولزمات يعني تطورت علاقتنة بذيج الليلة ،جان شعوري بوقتهه ما يتوصف راحة على قلق على خجل على توتر ، بس حبيت ذاك الشعور،وبدة الكلام بيناتنه بلرسائل يصير جريئ اكثر من قبل وهذا كلة صار بغضون 3 اسابيع بس ..ع الرغم ادري بي لعوبي بسس شي بداخلي يكلي استمري ويا
.............
نرجع الهيله