#ماذنبي بكل ماحصل
#بقلمي anoo wisam
قبل لا ابدا البارت احب اوضح شغله اكوو كاتبه هم اسمهه anoo هاي مو اني اني كاتبه جديده anoo wisam هذا اسمي حت لتخربطون وتحياتي الكم
بارت طويل لعيونكم ❤️
__________________
هيل ه: مشكورة عل زينة مالتج العصر متلكيني عندج
الام : انتي شبيج متتحملين حجاية ، وين تروحين مثلا عدج عم عدج خال وترحيلة شو مكطوعين من شجرة
هيله : كاع الله واسعه
الام : واسعة ؟ بسلا ناوية ترحين تشمرين روحج باحضان الاخرس وتجيبيلنة سمعه بلمنطقة ،
هيله : اطمئني اعرف شلون احافظ على نفسي وعلى سمعتي وماراح اغلط ،
حجيت هيج وانتهضت رحت للغرفة ، لملمت الملابس وهنة اصلا بعدني مامفرغتهن من الجنطة واخذت زوزة ابدل الهة
اكرم : هيله وين رايحة مو كلتي راح اضل يمكم
هيله : اروح يم بابا وشيماء ابقى
اكرم : ليش متبقين يمنة
هيله : ماريد اثكل عليكم والبيت زغير ويادوب شايلين نفسكم واني عندي طفلة ، وشيماء بيتهه جبير وماعدهه احد بي
اكرم : اروح وياج لعد
هيله : اكرم ابقة هنا ماعوزي امي توكفلي وتكلي اخذتي ابني مني ، فدوا اروحلك نفسيتي تعبانة ومو مال مشاكل ابد
اكرم : والله اشتاقلج وشكد فرحت من رجعتيلنة ليش ترحين
هيله : وعد اجيك كل اسبوع اشوفك واعوف زوزة يمك
اكرم : امي ضوجتج بشي !
هيل : لا ما ضوجتني بس اني فكرت وقررت ،
اكرم : بس بابا راح يرجع مثل قبل يضوجج ويغلط ويضرب
هيله : الله ميكطع باحد حبيبي ،والله ارحم من الكل ،
سحبت الجنطة وشلت زوزة وطلعت لاكتني امي بلباب
الام : هاي من كل عقلج ! وين رايحة بهلضهر
هيل : لابويا
الام : هههه لابوج ؟ وابوج راح يستقبلج بلا !
هيله : مدام شيماء موجودة والبيت بيتهة يستقبلوني لتخافين ، ضلت يمج العافية ،
الام : الله وياج بس لتكطعين مريلنة
هيله : الله كريم
طلعت من البيت اتمشة على كيف ، حسيت بضياع مو طبيعي امشي وعيوني تلافت منا ومنا ، صدك تهت ورة قحطان ، وصلت للمحل اليم المدرسة كلت اسلم ع الحجي صار هواي ماشايفتة ،وهم اشتري شي لزوزة
هيله : السلام عليكم عمو
: اهلا اهلا وعليكم السلام ، شلونج عمو
هيله :الحمد لله بخيير
: البقية بحياتج عموو
هيل : حياتك الباقية عمو
: هاي بتج الله يحفضهة
قرب مني واطيتهة الة شالهة ،
هيل : اي بتي
ضل يلاعب بيهه واطاهة جبس وككو ومصاص خلاهن بعلاكة واطيتة الفلوس ماقبل ياخذ
: وين رايحة عمو خير شو وياج جنطة
هيله ::والله عمو رايحة لبيت ابويا
: شعجب ما بقيتي ببيت الوالدة
هيله : لا هية الوالدة هم كوة مدبرة العيشة ماريد اثكل عليهة كلت اروح لزوجة ابويا عاد بيتهه شوي يوسعني وحالتهم زينة ،
: الله يبعد عنج كل سوء ياعمو ويريح بالك
هيل : اشكرك عمو
اخذت زوزة من ايدة وطلعت امشي ، والهوة البارد يضرب بوجهي جان هستوة بدة يدخل البرد ، والجو ضهرية وهدوء اجيت اطلع من اللوفة مالت الفرع وصار بوجهي مسلم ، اول مرفعت راسي صار وجهة بوجهي ، حسيت رجلية ما تعينني اني امشي وهوة يمشي باتجاهي وواحد عينة بعين الاخ حسيت نار تطلع من وجهي ، وهوة عين علية وعين عل طفلة ابتسم ودنگ وتعداني وعبر ، بقيت واكفة بمكاني نص الشارع ، وهوة عبر رايح لبيتة ، وصل نص الطريق والتفت ورا لكاني واكفة بمكاني وعيني علي ، وكف بمكانة وبدة يرجعلي من حسيتة راد يقرب دموعي وحدهن وكعن عفتة ورحت امشي سريع ومالتفتت وراي ، وكل خطوة امشي ابجي كل حيلي ، شجاابة كدامي ووين رجعني وشذكرني بيي ، وصلت للوفة مال فرع بيت شيماء مسحت دموعي مااريد احد يحس على شي ،
أنت تقرأ
ماذنبي بكل ماحصل
Fiksi Umumقصه حقيقه تتحدث عن فتاه كانت ضحيه افعال وسمعت ابيها وسمعت اختها الام معيله والاخوه صغار لاحول لهم تابعوني لنعرف ماذا حصل وماذا جرت من احداث بهذا القصه......؟
