ماذنبي بكل ماحصل

البارت14

#ماذنبي بكل ماحصل

#بقلمي anoo

صباح الخيرر ولمحبه
قبل لا ابدا بل بارت اريد منكم تقيمون اسلوبي بكتابه القصه وسرد شلونه رائيكم يهمني ❤️

بارت طويل لعيونكم
______________

ام هشام :خية ما تنطيني هيلة لابن اختي بكربلاء
بقيت صافنة عليهه ، هاي شبيهه احنة وين وهاي وين ، باوعت على امي
ماما : لاخية ما ارد اطيهه هسة اريدهه تفوت جامعه وماعدي غيرهه
ام هشام : اي ميخالف خية تكمل جامعتهه عد الزلمة
هيلة : لاخالة مامفكرة اتزوج هسة
ام هشام : براحتج خالة بس يدور على مرة وكلت خوش بت انتي وماردت افوتج من ايدي ردتج تريحين العايلة مثل ما اختج رايحتنة وشايلة البيت
هيلة : الله يسعدة خالة
عفتهم وطلعت براا اغسل ملابس ، ورة ما راحو
شيماء : شبيج تنرفزتي من ام هشام ولج فوكما جايبتلج عريس
هيله : شصخم بلعريس هنة التزوجن شستفادن
باوعت على امي
هيل : موو ماما
الام : اكيد يمة وماعليج بهلحجي كملي دراستج ولاحكة على زواج
هيله : فدوا لحلكج ماما ،
مرت الايام واجة ابو فلاح من المركز وكال انو الادلة ثابتة على بابا ومعترف على نفسة وعلى جان وياا بلبوگة واقل شي ياكلة 7 سنوات بلسجن لان ثابتة عليهم تهمة مخدرات هم بس مو اكيدة والسبوع الاخ محكمتهم ، ماما ماكالت شي ورضخت للامر الواقع وشيمائو بجت شوية بعدين سكتت وكعدن ينتضرن محكمتة ،
طول هألايام كلما اروح للمدرسة اتجنب مسلم ما اباوعلة ولا اقربلة اريدة يحس بضوجتي ، وجنت اتعمد اروح اجيب اكرم بنص زحمة الطلاب حتى مايكدر يجي يحاجيني ،
اخر شي جان عدنا اضافي وطلعت متاخرة من المدرسة والشارع فارغ امشي واتلفت ، ورايحة كبل للبيت لان موصية اكرم يطلع من وكت وما ينتضرني ، حسيت واحد جرني من ايدي وكفت لكيتة مسلم يباوع علية وعاقد حواجبة
هيله : خييير ؟
جر ايدي وخلى بيهة ورقة ودار وجهة وراح ، بقيت اباوع ورا
ضميت الورقة بجنطتي وتلافتت بلشارع ورجعت للبيت ،
اول مافتت سلمت على ماما ورحت للغرفة ابدل فتحت الورقة.
جان مكتوب بيهة ( كافي الجاي تسوي صار 5 ايام متجنبتني ومتجاهلة وجودي وما تنطيني فرصة اوكف وياج وافهمج وافتهم منج ، اذا جان قصدج الغاثج وكفتي وي البنات بهذاك اليوم ، والله ما اعرفهن وهنة اجن طلبن مني يشوفن المسودة مال الرسم وما اعرف ارد احد وافشلة ، واذا غلطان اعتذر منج ، اترجاج هيلة لتسوين هيج ، ماتعرفين حجم المعانات الاعيشهة من تتجاهلين وجودي .ماعندي غيرج بهاي الدنيا كلهة .. والله حبيتج .. )
قريت الورقة واحس عيوني دمعن وجسمي صار حار ، شنو قصدة بكلمة (حبيتج ) فجأة امي صاحتني عل غدة
طبكت الورقة ضميتهه وكمت اتغدة بس ما الي نفس بشي ، بالي مشوش ما اكدر اركز على شي وباجر عدي امتحان عربي ، شلون راح اسيطر واقرة ياربي ، كمت كومت الكتب اريد اجمع افكاري واقرة وكلساع ويجي ببالي نضرتة وجرة ايدة واباوع ع الورقة ،.
رونق :
هاي السنة الرابعة ببيت عيالي والوضع ماشي تمام والجهال كبرو ، وعمتي مطيتنة الصلاحية بكلشي اني وهدى كلشي بأيدنة الترتيب والمسواگ والصرف ، وهشام جان زين وياي او بل احرى خوش ربطتليا هداوي خلتة محبس بأيدي ، واهلي ما اوصل الهم حتى من سمعت بأبويا انسجن هم ماوصلت ،ماحب ارجع علاقتي بيهم واطول رجلهم علية ،
بس شيمائو جان تمر علية وحتى من قررت ترجع لبغداد مرت علية ودعتني ،