ماذنبي بكل ماحصل

البارت 18

#ماذنبي بكل ماحصل

#بقلمي anoo
_______________

الام : تريد مرة لابنهه قحطان ،
هيله: اي واحنة شكو بلموضوع حتى جايتنة !
الام : حاجتني عليج ،
هيله : وشكتيلهة بلا !
الام : مارديتلهه خبر كتلهه احاجي البنية واشوف ، بس يمة اذا ترجعين للصدك خوش قسمة ، الولد عمرة 22 سنة ويشتغل بتريلة بين الكوت وبغداد ، وامورة زينة وماعدهم احد بلبيت بس امة واخو واخيتة ،
هيله :
من امي حجت هيج احس كلبي ينعصر والدم يجري سريع بجسمي وكوة سيطرت على روحي كدامهة
هيله : زواج ما اتزوج ، سدي الموضوع من يمج وكليلهم البنيه ماقبلت مثل ماكلتي لمسلم
الام : ها هنا الحجي كليبج بعدة ينوص على مسلم
هيله : يمة بدون هلمواضيع الجانبية ،زواج ما اتزوج لا ام قحطان ولا ام نعاال
الام : وشمنتضرة بعد ؟ هاي عمرج طخ ال18 سنة ، منتضرة فارس الاحلام يجيب مطي ابيض ويجي ياخذج ؟ هاذ فارس احلامج الاخرس لو يضل اخر زلمة بلدنيت هم ما اطيج الة.

هيله :يمة وين تريد توصلين بلضبط ?حجاية والثانية وحطيتي بلنص كتلج مااااا ارد اتزوج بشكل عام فهمتي !
الام : باعي اكلج خاف كبرت راسج واجيت اخذت شورج ، ترة اكدر اسحلج سحل وازوجج وتولين وانتي الممنونة فهمتي لو لاااا ،
هيله :وليش ؟ متعاجزة من لگمتي لو من گعدتي يمج بلبيت !
الام : دراسة وما فلحتي بيهه ،بعد شنو ضلتج بلبيت وانتي بنية ، المرة ما الهه غير بيت رجلهة ،
هيله ه:
انتهضت على حيلي وعيوني طاگة من العصبية ، كااااافي لخاطر الله يمتة تطلعون من تقاليدكم الزبالة ،
ماما من سمعتني عليت صوتي وكفت طول بطول وياي وكمشت شعري
الام : شوفي لج كلة صوجي طلعت عينج واطيتج مجال وكبررت راسج
تعلين صوتج علية ادبسززز
هيله : يمة افهميني ، يعني هية كوووة شنو كتلج مارد اتزوج
الام : الموضوع ينسد ، وصووتج ما ارد اسمعة افتهمتي ، هلسبوع الخبر يرجع لام قحطان ورجلج على راسج ،وخاف حاطة ببالج تخدئين الامور ولهناك تاخذين امسيلم ، كتلج لو يصبوونة ذهب والله ما اطيجيا ،
من حجت هيج اني استسلمت على نفس صفنتي وكعن دموعي ، سحبت روحي بهدوء وفتت للغرفة طبگت الباب كعدت بلگاع ، الم بشعري اشيلة من وجهي واني احس وجهي نار تطلع منة ، ارررررد اعيط ارد ابجي ارد الطم بس ماجاي اكدر ، احس جسمي كلة يرجف ، ما يجي ببالي بذيج اللحضة غير مسلم ، شلوون تهودت علي ما اكدر اتعود علة غيرة ، ما اكدر افووت لحياتي بشر لاخ ، كلشي ما ادري كل الادري بي احببة ، كل الادري بي ما غلط وياي بيوم ، كل الادري بييي ما اكدر اكسر بي واصير لغيرة ، كل الادري بي ماررريد اصدمة ، افكرر شنو شعورة اذا سمع مزووجة ، شلون اكدر اوصلة واكلة على امي شسووت بيه ،
ياااربي الامان احسة يمة مو يم امي مو يم اي بششر ليش انحرم منة واني ماغلطت بشي ،
بقيت ابجي بهدوء لحدما نهاريت بديت املخ برروحي وادك على وجهي بسس بددون صوت ماريد امي تحسس على شي
ادفن وجهي بلمخدة وابجي لحدما ينكطع نفسسي ،